صوبائی وزیر داخلہ عطاء اللہ تارڑ کا تحریک انصاف کی جانب سے بجلی سبسڈی کو چیلنج کئے جانے کے حوالے سے اپنے رد عمل کا اظہار کرتے ہوئے کہا کہ تحریک انصاف نے پنجاب حکومت کے 100 یونٹ مفت بجلی دینے کے اقدام کو سپریم کورٹ اور الیکشن کمیشن میں چیلنج کر کے انتہائی قابل مذمت قدم اٹھایا ہے۔
بجلی کے نرخوں میں اضافے کی سفارش کابینہ نے مسترد کی،وفاقی وزیر
انہوں نے کہا کہ ان لوگوں نے پاکستان کی معیشت تباہ کی اور لوٹ مار کا بازار گرم کیا۔انہوں نے کہا کہ حکومت نے یہ اقدام غریب عوام کو ریلیف دینے کے لیے کیا۔ ایک کسان،فیکٹری ورکر،مزدور اور دیہاڑی دار کے لیے یہ ریلیف پیکیج انتہائی ضروری تھا۔ صوبائی وزیر نے کہا کہ غربت عوام کے لئے مہینے کی کمائی سے بجلی کا بل ادا کرنا بہت مشکل تھا۔
عمران خان 73 کے آئین کو ختم کرکے آمرانہ حکومت کا منصوبہ بنا رہے تھے،خواجہ سعد رفیق
انہوں نے کہا کہ عام آدمی کو ریلیف دینا تحریک انصاف کو پسند نہ آیا۔ انہوں نے کہا کہ ان کو تکلیف ہوئی کہ عام آدمی اس ریلیف پیکیج سے مستفید ہوگا۔ عطا اللہ تارڑ نے کہا کہ تحریک انصاف نے اس کام کو چیلنج کرکے مکروہ حرکت کی ہے۔ انہوں نے کہا کہ یہ غریب دشمن اور عوام دشمن لوگ ہیں۔ انہوں نے کہا کہ تحریک انصاف نے چار سال میں عوام کو صرف دکھ ہی پہنچائے۔
عمران جواب دے کہ بنی گالہ کو منی گالہ کیسے بنایا۔ وزیراطلاعات مریم اورنگزیب
انہوں نے کہا کہ ریلیف پیکج بجٹ کا حصہ ہے اور اسمبلی سے منظور کروایا گیا ہے۔ صوبائی وزیر نے کہا کہ اس پیکج کا اطلاق صرف20 حلقوں میں نہیں پورے پنجاب کے لیے ہے۔ انہوں نے کہا کہ ریلیف اقدام کو چیلنج کر کے انہوں نے غریب اور عوام دشمن ہونے کا ثبوت دیا۔
تحریک انصاف کی جانب سے مفت بجلی پیکج سپریم کورٹ میں چیلنج کرنے کے خلاف پنجاب اسمبلی میں مذمتی قرارداد جمع کرائی گئی ہے،قرارداد مسلم لیگ(ن) کی رکن حناپرویز بٹ کی جانب سے جمع کرائی گئی
قرارداد کے متن میں کہا گیا کہ یہ ایوان تحریک انصاف کی جانب سے پنجاب حکومت کے مفت بجلی پیکج کو سپریم کورٹ میں چیلنج کرنے کی شدید مذمت کرتا ہے، وزیر اعلیٰ پنجاب حمزہ شہباز نے خلوص نیت سے عوام کو مفت بجلی پیکج دیا، بطور چیف ایگزیکٹیو وزیراعلیٰ کی ذمہ داری ہے کہ وہ عوام کو ریلیف دیں، وزیر اعلیٰ پنجاب حمزہ شہباز نے اپنے فرائض کی انجام دہی کے تحت بجلی پر ریلیف دیا، تحریک انصاف پنجاب کے عوام کی دشمن جماعت ہونے کا ثبوت دیا ہے، یہ ایوان تحریک انصاف کے عوام دشمن ایجنڈے کو سختی سے مسترد کرتا ہے، مسلم لیگ(ن) عوام کی خدمت کرنے والی جماعت ہے اور خدمت کرتی رہے گی.
