![](https://baaghitv.com/wp-content/uploads/2022/08/5c6bf20cbfca2.jpg)
لاہور:پاکستان سول ایوی ایشن نےعلامہ اقبال انٹرنیشنل ایئرپورٹ لاہور توسیعی منصوبہ کی تفصیلات شیئرکردیں ، پاکستان سول ایوی ایشن کی طرف سے کہا گیا ہے کہ یہ وضاحت بابت علامہ اقبال انٹرنیشنل ایئرپورٹ لاہور توسیعی منصوبے سے متعلق اٹھنے والے سوالات کے بعد ضروری تھی
1. پی سی اے اے نے 2017-18 میں لاہور کے علامہ اقبال بین الاقوامی ہوائی اڈے کی توسیع کا منصوبہ بنایا تاکہ بڑھتی ائیر ٹریفک سے نمٹا جاسکے۔ فلائٹ آپریشنز کے تسلسل کو یقینی بنانے کے لیے مراحل میں توسیع کی منصوبہ بندی کی گئی کیونکہ ہوائی اڈے کی مکمل بندش ممکن نہیں تھی۔
2. براؤن فیلڈ ہوائی اڈے کے توسیعی منصوبہ بندی درج ذیل مراحل میں کی گئی تاکہ محفوظ فلائٹ آپریشنز میں کم سے کم خلل پڑے:
لاہور:علامہ اقبال ایئر پورٹ کے رن وے پر جدید نظام کی تنصیب:پاکستانی فضائی نظام…
فیز 1 – لینڈ سائیڈ ڈویلپمنٹ (کار پارک، سڑکیں، انڈر پاس): مکمل
فیز 2 – مین رن وے، ریپڈ ایگزٹ ٹیکسی ویز (کوڈ 4F): مکمل
فیز 3 – ٹرمینل، ایپرن اور متعلقہ سہولیات کی توسیع: اسکیم کی منظوری دے دی گئی ہے۔
فیز 4 – بقیہ ایئر سائیڈ انفراسٹرکچر: منصوبہ انڈر پروسیس ہے
3. کوڈ 4F (فیز 2) کے نئے کنکریٹ رن وے اور ریپڈ ٹیکسی ویز کو مکمل کر کے آپریشنل کر دیا گیا ہے۔
4. کنکریٹ کے رن وے کی زندگی 25 سے 30 سال ہے اور اسے اس طرح ڈیزائن کیا گیا ہے کہ اس کی مفید عمر کے دوران یہاں سب سے بڑی کیٹگری کے ہوائی جہاز اترسکتے ہیں اور رن وے کی مفید عمر کے دوران اس کی تعمیر نو کی ضرورت نہیں پڑے گی۔
[wp-embedder-pack width=”100%” height=”400px” download=”all” download-text=”” attachment_id=”526048″ /]
کوڈ 4F کی تفصیلات(ICAO Doc 9157)
5. ICAO Doc 9157- Aerodrome Design Manual & Annex 14 (8th Edition) کے مطابق
کوڈ 4F کے حامل ہوائی جہاز کے لئے رن وے کی پیمائش یہ ہے۔
اے- رن وے کی کل چوڑائی: 75 میٹر
بی- ٹیکسی ویز کی کل چوڑائی: 44 میٹر
6. کوڈ 4F کیٹیگری میں بہت سے طیارے آتے ہیں جن کا وزن اور پروں کی پیمائش مختلف ہوتی ہے جیسے بوئنگ 747-800، 777-900، اور ائر بس 380-800 وغیرہ۔
علامہ اقبال ایئرپورٹ پر غیرقانونی ہتھیاروں کی کھیپ پکڑی گئی
لاہور ایئرپورٹ کا رن وے:
7. لاہور ایئرپورٹ پر مین رن وے اور اس سے منسلک ٹیکسی ویز کے پیمائش درج ذیل ہے:
اے: مین رن وے کی کل چوڑائی 75 میٹر
بی: نئی تعمیر کردہ ریپڈ ٹیکسی ویز کی کل چوڑائی: 44 میٹر
سی: موجودہ ٹیکسی ویز ‘این’، ‘کیو’ اور ‘ایس’: 44 میٹر
ڈی: موجودہ ٹیکسی ویز ‘پی’ اینڈ ‘آر’: 65 میٹر
8. رن وے کی طول و عرض کی پیمائش واضح طور پرICAO کوڈ 4F کے معیار پر پورا اترتی ہے۔ تاہم ہوائی جہاز کے وزن کے حوالے سے پابندیاں ہیں۔ یہی وجہ ہے کہ لاہور ایئرپورٹ کو جاری کردہ سرٹیفکیٹ کوڈ 4F یا اس سے کم (محدود) نوعیت کا ہے۔
نتیجہ:
9. مندرجہ بالا تفصیلات کی بنیاد پر لاہور ایروڈروم کو کوڈ 4F یا اس سے کم (محدود) کا سرٹیفکیٹ جاری کیا گیا۔ مکمل تفصیلات AIP پاکستان میں بھی شائع کی جائیں گی۔
10. یاد رہے کہ نیا مین رن وے مال بردار B 747-800، بوئنگ 777-900 کے محدود آپریشنز کے لئے استعمال ہو سکتا ہے، جو کہ کوڈ 4F رن وے ہوائی جہاز ہیں۔ مزید برآں کسی بھی ہنگامی صورت حال کی صورت میں، ایئربس 380 بھی لینڈ کر سکتا ہے لیکن اس کے پروں کے پھیلاؤ کی وجہ سے اسے فی الحال ٹرمینل بلڈنگ میں کھڑا نہیں کیا جاسکے گا۔
لاہور ائیر پورٹ پر طیاروں سے پرندے ٹکرانے کے واقعات،سی اے اے نے اہم فیصلہ کر لیا
11. اس امر سے بھی آگاہ کیا جاتا ہے کہ ایئربس 380 کوڈ 4E کے حامل ایروڈرومز پر بھی اپریٹ کر سکتا ہے بشرطیکہ مخصوص شرائط پوری ہوتی ہوں۔ (دستاویز منسلک)
12. فیز 3 اور 4 میں ٹیکسی ویز اور ایپرن کو مسحکم کرنے کی منصوبہ بندی کی گئی ہے جس کے بعد کوڈ 4F طیاروں کے حوالے سے حدود و قیود ختم ہو جائیں گی۔