سارہ انعام قتل کیس،ملزم کا فارنزک شدہ ڈیٹا لینے کی درخواست مسترد

ڈسٹرکٹ اینڈ سیشن کورٹ اسلام آباد میں سارہ انعام قتل کیس کی سماعت ہوئی، جج اعظم خان نے کیس کی سماعت کی

پراسیکیوٹر رانا حسن عباس اور وکیل صفائی بشارت اللّٰہ عدالت میں پیش ہوئے ،دورانِ سماعت پراسیکیوٹر رانا حسن عباس نے ایف آئی اے سے ملزم کا فارنزک شدہ ڈیٹا لینے کی درخواست کی جس کو عدالت نے مسترد کر دیا، جج اعظم خان نے ریمارکس دیتے ہوئے کہا کہ ٹرائل میں ضرورت پڑی تو ملزم کے موبائل اور لیپ ٹاپ کا ڈیٹا منگوا لیں گے ، سارہ انعام قتل کیس کی سماعت 13 ستمبر تک ملتوی کر دی گئی

گزشتہ سماعت پر سارہ انعام کے والد انعام الرحیم پر وکیلِ ملزم بشارت اللّٰہ نے جرح کی تھی، دوران جرح انعام الرحیم نے ملزم کے وکیل کو جواب دیتے ہوئے کہا کہ گزشتہ سال اگست میں میری بیٹی سارہ انعام ابوظبی میں مقیم تھیں پولیس کو بتایا کہ اسلام آباد میں سارہ انعام کی موجودگی پر پریشان ہو گئے تھے ،گزشتہ سال 22 ستمبر کو میری بیٹی سارہ انعام سے فون پر بات ہوئی اس وقت مجھے سارہ انعام نے نہیں بتایا کہ ان کی طلاق ہو گئی ہے بیٹی نے مجھے بتایا کہ وہ شاہ نواز امیر کے گھر پر موجود ہیں ،

وکیلِ صفائی نے سوال کیا کہ کیا آپ کی بیٹی نے آپ سے اجازت لے کر شاہنواز امیر سے شادی کی تھی؟ انعام الرحیم نے جواب دیا کہ میری بیٹی سارہ انعام نے شاہ نواز امیر سے شادی کا مجھے نہیں بتایا تھا، سارہ کی شاہ نواز امیر سے جان پہچان کا پہلے سے علم تھا گزشتہ سال سارہ انعام کے پاکستان پہنچنے کا مجھے معلوم نہیں تھا بیٹی سارہ انعام نے بعد میں پاکستان پہنچنے اورشادی کا بتایا تھا

واضح رہے کہ صحافی ایاز امیر کے بیٹے شاہنواز امیر نے اپنی اہلیہ سارہ کو قتل کردیا تھا ایاز میر کی بہو دبئی سے واپس آئی تھی شاہنواز نشے کا عادی تھا اس نے نشے کی حالت میں اپنی بیوی کا قتل کیا۔ سارہ کا قتل بھی بالکل نور مقدم والے وحشیانہ طریقے سے کیا گیا۔ لوہے کا راڈ مارا پھر پانی کے ٹپ میں ڈبودیا۔ شاہنواز امیر کی کینیڈین نژاد سارہ سے تیسری شادی تھی مقتولہ سارہ دبئی میں ملازمت کرتی تھی اور دونوں کی تین ماہ پہلے ہی شادی ہوئی تھی مقتولہ کا سماجی رابطے کی ویب سائٹ پر شاہنواز سے رابطہ ہوا تھا، پھر دونوں نے شادی کر لی

قتل کے بعد ملزم نے اپنے والد ایاز امیر کو لاش کی تصویر بھیجی، پولیس نے ملزم کو گرفتار کر رکھا ہے، پولیس نے ایاز امیر کو بھی گرفتار کیا تھا تا ہم عدالت نے اس مقدمے سے ایاز امیر کو ڈسچارج کیا ہے

شک تھا سارہ کا کسی کے ساتھ کوئی افیئر ہے۔ ایاز امیر کے بیٹے کا بیوی کو قتل کرنے کے بعد بیان،

ایاز میر کے بیٹے کی خوفناک درندگی :سارہ انعام ،کینیڈین شہری،دبئی آئی،گاڑی خریدی ،مگرپھرکیاہوا؟ہولناک انکشافات

ایاز امیر کی بہو کا پوسٹمارٹم مکمل،سارہ کے قتل کی وجہ کا تعین نہ ہوسکا

پہلے مارا، گھسیٹ کر واش روم لے گیا،ایاز امیر کے بیٹے نے سفاکیت کی انتہا کر دی

سر پر ڈمبل مارا،آلہ قتل بھی خود برآمد کروایا،ایاز امیر کے بیٹے کیخلاف مقدمہ درج

 سارہ انعام کے والد انعام الرحمان نے اسلام آباد میں پریس کانفرنس کی ہے

سارہ انعام قتل کیس،مرکزی ملزم شاہنواز امیر پر فرد جرم عائد

شاہنواز امیر نے پولیس کو ڈمبل کا بھی بتایا جو صوفے کے نیچے چھپایا ہوا تھا،