اقوام متحدہ کی جنرل اسمبلی کے باہر پاکستان نے کشمیریوں پر ہونے والے مظالم کے خلاف احتجاج کا پروگرام ترتیب دیا ہے،اس ضمن میں زلفی بخاری کو ذمہ داری دی گئی ہے، وہ کل جمعہ کو امریکہ روانہ ہوں گے
باغی ٹی وی کی رپورٹ کے مطابق وزیراعظم عمران خان اقوام متحدہ کی جنرل اسمبلی سے خطاب کریں گے، ان کے خطاب سے قبل بھارتی وزیراعظم نریندر مودی کا خطاب ہو گا، پاکستان نے مودی کے خطاب کے موقع پر جنرل اسمبلی کے باہر احتجاج کا پروگرام ترتیب دیا ہے،بھارتی فورسزکی جانب سے مقبوضہ کشمیر میں جاری ظلم و ستم کے خلاف رائے عامہ ہموار کرنے کیلئے وزیر اعظم کے معاون خصوصی ذوالفقار بخاری چار روزہ دورہ پر جمعہ کو نیو یارک روانہ ہوں گے۔
زلفی بخاری اقوام متحدہ کی جنرل اسمبلی کے اجلاس کے انعقاد سے قبل مختلف لابیز سے ملاقاتیں کریں گے اور انہیں بھارتی حکومت کی جانب سے مقبوضہ کشمیر میں جاری ظلم و ستم کے حوالے سے تفصیلی آگاہی دیں گے۔
زلفی بخاری کا کہنا ہے کہ بھارتی مقبوضہ کشمیر میں لاکھوں انسانی زندگیاں خطرے میں ہیں کیونکہ ایک ماہ سے زائد عرصہ سے وہ بھارتی فورسز کے محاصرے میں ہیںجس کے خاتمے کے لئے عالمی دنیا کو اپنا کردار ادا کرنا ہوگا.
وزیراعظم عمران خان امریکا جانے سے قبل سعودی عرب کا دورہ کریں گے جہاں وہ سعودی حکام سے ملاقاتیں کریں گے، دفتر خارجہ نے وزیراعظم کے طے شدہ شیڈول کے مطابق تیاریاں شروع کر دی ہیں،وزیراعظم امریکہ میں اہم ممالک کے صدور اور وزیراعظم سے ملاقات کریں گے .
آئیں چلیں سب مظفرآباد،بن کر کشمیریوں کی آواز،فردوس عاشق اعوان
پاک فوج میں مائیں اپنے بچوں کوشہادت کے جذبےسے بھیجتی ہیں،ترجمان پاک فوج
بھارت سن لے، جنگیں اسلحہ سے نہیں جذبہ حب الوطنی سے لڑی جاتی ہیں، ترجمان پاک فوج
پاکستان نے یو این جنرل اسمبلی کے باہر بڑے احتجاج کا فیصلہ کیا ہے، وزیراعظم کے معاون خصوصی زلفی بخاری کو اس حوالہ سے اہم زمہ داریاں سونپ دی گئی ہیں. وزیراعظم عمران خان نے اعلان کیا تھا کہ مودی کے خطاب کے دوران جنرل اسمبلی کے باہر بھر پور احتجاج کیا جائے گا.
قبل ازیں ایڈیشنل سیکرٹری دفتر خارجہ نے وزیراعظم عمران خان کے دورے اور جنرل اسمبلی اجلاس سے خطاب کے حوالہ سے بریفنگ دیتے ہوئے کہا کہ اقوام متحدہ جنرل اسمبلی اجلاس میں وزیراعظم شرکت کریں گے،اقوام متحدہ میں وزیراعظم عمران خان اپنی تقریرمیں مسئلہ کشمیر کا معاملہ اٹھائیں گے،بھارتی وزیراعظم نریندر مودی کے خطاب کے بعد وزیراعظم پاکستان کا خطاب ہے ،وزیراعظم عمران خان اجلاس کے علاوہ 8سے 9ممالک کے سربراہان سے ملیں گے، وزیراعظم اجلاس کے بعد تھنک ٹینک سے خطاب کریں گے .وزیراعظم ہرسطح پر معاملہ اٹھائیں گے.
قائمہ کمیٹی برائے دفاع کا اجلاس، وزیر دفاع کی عدم شرکت،اراکین کمیٹی برہم
