![imran bushra](https://baaghitv.com/wp-content/uploads/2024/08/imran-bushra-nab-jpg.webp)
عمران خان اور بشریٰ بی بی کی توشہ خانہ ٹو نیب کیس میں طلبی کے نوٹسز اور گرفتاری کے خلاف درخواستوں پر سماعت ہوئی،
اسلام آباد ہائیکورٹ کے جسٹس میاں گل حسن اورنگزیب اور جسٹس بابر ستار نےسماعت کی، سابق صدر عارف علوی ،شبلی فراز،شیخ وقاص اکرم ،شعیب شاہین،فیصل چوہدری ،اعظم سواتی ،بیرسٹر تیمور ملک ،سردار مصروف خان سمیت پی ٹی آئی کے وکلاء اور رہنماؤں کی بڑی تعداد کمرہ عدالت میں موجود تھی.بیرسٹر سلمان صفدر نے استدعا کی کہ عمران خان اور بشریٰ بی بی کی توشہ خانہ ٹو کیس میں گرفتاری کالعدم قرار دی جائے ،ہم نے نیب کے کال اپ نوٹس کو کالعدم کرنے کی استدعا کی لیکن وہ کیس 8 مئی سے 13 جولائی تک سنا ہی نہیں گیا اور اسی کال اپ نوٹس میں عمران خان اور بشریٰ بی بی کی گرفتاری ڈالی گئی،
جسٹس میاں گل حسن اورنگزیب نے ریمارکس میں کہا ہے کہ اب جسمانی ریمانڈ مکمل ہو چکا ہے اور اب عمران خان اور بشریٰ بی بی ضمانت اپلائی کر سکتے ہیں ،بیرسٹر سلمان صفدر نے بتایا ہے کہ کیونکہ یہ معاملہ یہاں زیر التواء تھا ،اس لیے ہم نے ضمانت اپلائی نہیں کی ، اسلام آباد ہائیکورٹ نے عمران خان اور بشریٰ بی بی کی نیب کے طلبی کے نوٹسز اور گرفتاری خلافِ قانون قرار دینے کی درخواستیں غیرموثر قرار دے کر مسترد کر دیں، اسلام آباد ہائیکورٹ نے ٹرائل کورٹ کو 190 ملین پاؤنڈز ریفرنس کا حتمی فیصلہ سنانے سے روکنے کا حکم ختم کر دیا
اسلام آباد ہائیکورٹ نے 190 ملین پاؤنڈ کرپشن کیس میں ٹرائل کورٹ کو حتمی فیصلہ نہ سنانے سے متعلق حکم امتناع واپس لے لیا ،توشہ خانہ ٹو کیس میں گرفتاری کے خلاف عمران خان اور بشریٰ بی بی کی درخواستیں غیر موثر قرار دے دی گئیں،عدالت نے کہا کہ چونکہ عمران خان اور بشری بی بی اس کیس میں جوڈیشل ہوچکے ہیں. اسلئے ضمانت کی درخواست دی جائے.
قبل ازیں عمران خان اور بشریٰ بی بی نے توشہ خانہ نئے ریفرنس میں گرفتاری کے خلاف اسلام آباد ہائیکورٹ میں درخواست دائر کر دی ،عمران خان اور بشریٰ بی بی کی جانب سے اسلام آباد ہائیکورٹ میں درخواست بیرسٹر سلمان صفدر اور خالد یوسف نے دائر کی،اسلام آباد ہائیکورٹ میں دائر درخواست میں چیئرمین نیب، ڈی جی نیب و دیگر نیب افسران کو فریق بنایا گیا ہے، درخواست میں کہا گیا ہے کہ عمران خان، بشریٰ بی بی کی گرفتاری غیرقانونی ہے، رہا کرنے کے احکامات دیے جائیں، آئندہ کسی بھی مقدمے میں گرفتاری اسلام آباد ہائیکورٹ کے احکامات سے مشروط کی جائے،عمران خان، بشریٰ بی بی شامل تفتیش ہوئے،گرفتاری کی ضرورت نہیں، عدت کیس میں رہائی کے فوراً بعد عمران خان، بشریٰ بی بی کی گرفتاری کی ضرورت نہیں، اعلیٰ عدلیہ نے بار بار کہا صرف نامزد ہونے پر کسی بھی شخص کو فوراً گرفتار نہ کیا جائے، عمران خان، بشریٰ بی بی کی گرفتاری اعلیٰ عدلیہ کے احکامات کی بھی خلاف ورزی ہے.
واضح رہے کہ نیب ٹیم نے توشہ خانہ ریفرنس میں بانی پی ٹی آئی عمران خان اور بشریٰ بی بی کی گرفتاری ڈالی تھی۔یاد رہے کہ بانی پی ٹی آئی اور بشریٰ بی بی پر نیا کیس دس قیمتی تحائف خلاف قانون پاس رکھنے اور بیچنے سے متعلق ہے، نیب کی انکوائری رپورٹ کے مطابق عمران خان پر ایک نہیں، سات گھڑیاں خلاف قانون لینے اور بیچنے کا الزام ہے، گراف واچ ، رولیکس گھڑیاں، ہیرے اور سونے کے سیٹ کیس کا حصہ ہیں، تحفے قانون کے مطابق اپنی ملکیت میں لئے بغیر ہی بیچے جاتے رہے۔خیال رہے کہ وفاقی حکومت نے توشہ خانہ کے نئے ریفرنس کیلئے سابق وزیر اعظم عمران خان اور ان کی اہلیہ بشریٰ بی بی کے جیل ٹرائل کا نوٹیفکیشن بھی جاری کیا تھا۔
عبوری ضمانت "معصوم” فرد کا حق ہے،نومئی مقدمے،عمران کی ضمانت مسترد ہونے کا فیصلہ
عمران خان کیخلاف درخواست دینے پر جی ٹی وی نے رپورٹر کو معطل کردیا
سوال کرنا جرم بن گیا، صحافی محسن بلال کو نوکری سے "فارغ” کروا دیا گیا
صوبائی کابینہ نے بانی پی ٹی آئی کے خلاف شواہد کے تحت کارروائی کی اجازت دی
اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک
اڈیالہ جیل میں قید عمران خان نے بالآخر گھٹنے ٹیک دیئے
جعلی ڈگری،جسٹس طارق جہانگیری کے خلاف ریفرنس دائر
عمران خان کی 190 ملین پاؤنڈز کیس میں ضمانت منسوخی کی درخواست دائر
نو مئی واقعات کی چیف جسٹس عمر عطا بندیال کے سامنے مذمت کی تھی،عمران خان
9 مئی پاکستان کیخلاف بہت بڑی سازش جس کا ماسٹر مائنڈ بانی پی ٹی آئی،عظمیٰ بخاری
9 مئی کی آڑ میں چادرو چار دیواری کی عزت کو پامال کرنیوالے معافی مانگیں،یاسمین راشد
عوام نے نومئی کے بیانیے کو مستر د کر دیا ،مولانا فضل الرحمان
اسد قیصر نے نومئی کے واقعات پر معافی مانگنے سے انکار کر دیا
سماعت سے محروم بچوں کے لئے بڑی خوشخبری
سماعت سے محروم بچوں کے والدین گھبرائیں مت،آپ کا بچہ یقینا سنے گا