آل پاکستان ٹرانسپورٹرز نے کورونا پابندیوں کے خلاف ملک گیر پہیہ جام ہڑتال کا ا علان کردیا
![](https://baaghitv.com/wp-content/uploads/2021/09/Transporter.jpg)
آل پاکستان ٹرانسپورٹرز ایسوسی ایشن نے کورونا پابندیوں کے خلاف 15 ستمبر سے پہیہ جام کا اعلان کر دیا۔
باغی ٹی وی : تفصیلات کے مطابق لاہور میں آل پاکستان پبلک ٹرانسپورٹ اونرز فیڈریشن ایسوسی ایشن کے جنرل سیکرٹری ملک ظفر اقبال نے دیگر عہدیداران کے ہمراہ پریس کانفرنس کی اور حکومت سے کورونا کے باعث بند ٹرانسپورٹ کو کھولنے کا مطالبہ کیا۔
دبئی: شیخ محمد بن راشد المکتوم کا ایکسپو 2020 دبئی سائٹ کا بائیک ٹور، ویڈیو سوشل میڈیا پر وائرل
انہوں نے کہا کہ پہلے جب کورونا کی شدت زیادہ تھی تو ٹرانسپورٹ کی بندش سے پہلے وقت دیا گیا اس بار دو گھنٹے پہلے لاک ڈائون کردیا گیا اور پبلک ٹرانسپورٹ بند کردی گئی۔
ملک ظفر اقبال کا کہنا تھا کہ ریلوے چل رہی ہے، کاریں چل رہی ہیں اور کاریں پانچ گنا زیادہ پیسے لے رہے ہیں، جو عوام کا مالی نقصان ہورہا ہے اس کی ذمہ داری حکومت پر ہے ہمارے ملازمین کے گھروں کے چولہے ٹھنڈے ہوگئے ہیں۔
امریکہ کا افغانستان کیلئے فوری امداد کا اعلان
ان کا کہنا تھا کہ ہماری درخواست ہے کہ حکومت اس فیصلے کو واپس لے، اگر 15 ستمبر تک ٹرانسپورٹ نہ چلائی گئی تو پہیہ جام کردیں گے۔