امریکی ڈالر کی قیمت میں‌کمی

امریکی ڈالر کی قیمت مسلسل تیسرے روز گر گئی، انٹربینک میں ڈالر 28 پیسے سستا ہو گیا۔

باغی ٹی وی : کاروباری ہفتے کے آخری روز پاکستانی روپے کے مقابلے ڈالر کی قدر 28 پیسے کمی کے بعد 166 روپے 30 پیسے ہو گئی۔ گزشتہ روز بھی امریکی کرنسی میں 18 پیسے کی گراوٹ دیکھی گئی تھی جس کے بعد ڈالر کی 166 روپے 58 پیسے پر ٹریڈنگ ہوئی تھی۔

یہ بات قابل ذکر ہے کہ پاکستانی زرمبادلہ ذخائر میں اضافے کے سبب پاکستانی روپے کی قدر میں اضافہ ملکی معیشت کیلئے مثبت رجحان ہے۔ 3جولائی تک سٹیٹ بینک کے زرمبادلہ ذخائر81 کروڑ ڈالر اضافے سے 12 ارب 41 لاکھ ڈالر ہو گئے ہیں