سول ڈیفنس کے عالمی دن کی مناسبت سے واک کا اہتمام

شیخوپورہ (نمائندہ باغی ٹی وی) ملک بھر کے دیگر شہروں کی طرح شیخوپورہ میں بھی انٹرنیشنل سول ڈیفینس ڈے بھرپور طریقے سے منایا گیا اس موقع پر ریلی کا انعقاد کیا گیا جس کی قیادت صوبائی وزیر ڈیزاسٹر مینجمنٹ قدرتی آفات پنجاب میاں خالد محمود ڈپٹی کمشنر شیخوپورہ اصغر جوئیہ اور چیف وارڈن سول ڈیفنس چوہدری محمد الیاس گجر نے کی

شیخوپورہ میں سول ڈیفنس کے عالمی دن کے موقع پر ریلی نکالی گئی ریلی کی قیادت صوبائی وزیر ڈیزاسٹر مینجمنٹ پنجاب میاں خالد محمود نے کی جبکہ ریلی میں ڈپٹی کمشنر محمد اصغر جوئیہ،ڈسٹرکٹ آفیسر سول ڈیفینس محمود حسین گل،چیف وارڈن سول ڈیفنس چوہدری محمد الیاس گجر,صدر بار عظمت سندھو،جنرل سیکرٹری میاں بشیر,پوسٹ وارڈن محمد شیراز سندھو اور ضلعی انتظامیہ کے آفسران محکمہ سول ڈیفنس کے رضا کاروں سمیت شہریوں کی بڑی تعداد نے شرکت کی-ریلی ڈپٹی کمشنر آفس سے شروع ہوکر ایس پی چوک پہنچ کر اختتام پذیر ہوئی ریلی کا مقصد شہریوں کو شہری دفاع کی تربیت سے اگاہی کے ساتھ ساتھ ناگہانی حادثات کے دوران اپنی جانوں کے نذرانے پیش کرنے والے رضا کاروں کو خراج عقیدت پیش کرنا تھا