عاصم باجوہ کے اثاثوں سے متعلق خبریں، وفاقی وزیر اطلاعات نے بڑا اعلان کر دیا
باغی ٹی وی کی رپورٹ کے مطابق وفاقی وزیر اطلاعات شبلی فراز نے کہا ہے کہ عاصم باجوہ تفصیل سے چند دنوں میں اپنے اثاثوں کے متعلق خبروں کی وضاحت کریں گے۔
سماجی رابطے کی ویب سائٹ ٹویٹر پر ٹویٹ کرتے ہوئے وزیر اطلاعات شبلی فراز نے کہا ہے کہ میری عاصم باجوہ سے ابھی بات ہوئی ہے، وہ تفصیل سے چند دنوں میں اپنے اثاثوں کے متعلق خبروں کی وضاحت کریں گے۔
میری عاصم باجوہ صاحب سے ابھی بات ھوئی ھے ۔ وھ تفصیل سے چند دنوں میں اپنے اثاثوں کے متعلق خبروں کی وضاحت کریں گے
— Senator Shibli Faraz (@shiblifaraz) August 31, 2020
قبل ازیں وزیر خارجہ شاہ محمود قریشی نے ۔سی پیک چیئرمین جنرل (ر) عاصم سلیم باجوہ کے حوالے سے ایک سوال کے جواب میں کہا کہ آ ج کل روایت چل گئی ہے خبر پہلے چل جاتی ہے تصدیق بعد میں کی جاتی ہے ۔ خبر کو تصدیق کے بعد بریک کرنا چاہئے ۔وزیر اعظم کے معاون خصوصی عاصم سلیم باجوہ کی خبروں کے حقائق بھی سامنے آ جائیں گے۔
کپتان ہو تو ایسا،اپوزیشن کی سازشوں کے باوجود وزیراعظم عمران خان کو ملی اہم ترین کامیابیاں
وزیراعظم عمران خان نے ٹرمپ سے کشمیر بارے بڑا مطالبہ کر دیا
وزیراعظم عمران خان سے چینی وزیر خارجہ کی ملاقات، اہم امور پر تبادلہ خیال
ہم اپنی سرزمین پرکسی دہشتگرد گروپ کوکام کرنے کی اجازت نہیں دیں گے، وزیراعظم
نائن الیون کے بعد پاکستان نے امریکہ کی جنگ میں شامل ہو کر بہت بڑی غلطی کی، وزیراعظم عمران خان
کشمیر سے متعلق سوال پر ٹرمپ نے کیا جواب دیا؟ جان کر ہوں حیران
سی پیک بارے امریکی بیان اندرونی معاملات میں مداخلت ،امریکہ باز آ جائے، رضا ربانی
امریکہ نے سی پیک بارے ایسی کیا بات کی کہ چینی سفیر ناراض ہو گئے
صدر مملکت ڈاکٹر عارف علوی نے سی پیک اتھارٹی آرڈیننس پر دستخط کردیئے
وزیراعظم عمران خان کے معاون خصوصی برائے اطلاعات و نشریات و چیئرمین سی پیک اتھارٹی لیفٹیننٹ جنرل ( ریٹائرڈ) عاصم سلیم باجوہ نے کہا ہے کہ ایک غیر معروف ویب سائٹ پر شائع ہونے والی سٹوری میں کوئی صداقت نہیں
سماجی رابطے کی ویب سائٹ ٹویٹر پر ٹویٹ کرتے ہوئے عاصم سلیم باجوہ کا کہنا تھا کہ میرے اور میری فیملی کے خلاف پروپیگنڈہ کرنے کے لئے ایک غیر معروف ویب سائٹ پر ایک سٹوری شائع کی گئی ہے اور اسے سوشل میڈیا پر وائرل کیا گیا ہے اس میں کوئی صداقت نہیں.
واضح رہے کہ صحافی احمد نورانی نے ایک سٹوری فیکٹ فوکس نامی ویب سائٹ پر شائع کی تھی جس میں کہا گیا ہے کہ پہلے امریکہ اور پھر پاکستان میں باجوہ خاندان کی کاروباری سلطنت کا پھیلائو اور جنرل (ر) عاصم سلیم باجوہ کی فوج میں اہم عہدوں پر ترقی، دونوں چیزیں ساتھ ساتھ چلیں۔ جنرل (ر) عاصم باجوہ آج کل چین کے تعاون سے چلنے والے بہت بڑےانفراسٹرکچر کے منصوبے چائنہ پاکستان اکنامک کوریڈور (سی پیک) کے چئیرمین اور وزیر اعظم عمران خان کے معاون خصوصی ہیں۔
عاصم باجوہ کے بھائی نے امریکہ کی معروف فوڈ چین پاپا جونز کے پہلے ریسٹورنٹ سن دو ہزار دو میں قائم کیے۔ اسی سال جنرل (ر) عاصم باجوہ کی جنرل پرویز مشرف کے اسٹاف آفیسر کے طور پر تعیناتی ہوئی۔ ندیم باجوہ، جنہوں نے اپنے کاروباری سفر کا آغاز پاپا جونز پیزا ریسٹورنٹ میں بطور ڈیلیوری ڈرائیور کیا تھا، اب ان کے بھائیوں اور عاصم باجوہ کی اہلیہ اور بچوں کی چار ممالک میں نناوے کمپنیاں اور ایک سو تیتیس فعال فرینچائز ریسٹورنٹس، جن کی موجودہ مالی حثیت تقریبا چالیس ملین ڈالر (چھ سو ستر کروڑ پاکستانی روپے)، ہیں۔
