عطاء اللہ خان عیسیٰ خیلوی کی اپنی موت کے متعلق جھوٹی خبروں کی تردید

0
47

پاکستان کے معروف گلوکار عطاء اللہ خان عیسیٰ خیلوی نے اپنے انتقال سے متعلق وائرل جھوٹی خبروں کی تردید کرتے ہوئے سوشل میڈیا پر مداحوں کے لئے ایک پیغام شئیر کیا ہے-

باغی ٹی وی: گذشتہ روز سے عطاء اللہ کے انتقال کی جھوٹی خبریں سوشل میڈیا پر ائرل ہیں جس کے بعد گلوکار نے سماجی رابطے کی ویب سائٹ فیس بُک پر ان خبروں کی تردید کرتے ہوئے اپنا پیغام جاری کیا ہے-

لیجنڈ ری گلوکار نے لکھا کہ اب پھر میرے بارے میں غلط خبریں گردش میں ہیں۔

عطاءاللہ خان نے لکھا کہ الحمداللہ آپ کی دُعاؤں سے میں بالکل ٹھیک ہوں۔

علاوہ ازیں انہوں نے فیس بُک پر اپنا ایک ویڈیو پیغام بھی جاری کیا –
عطاء اللہ خان عیسیٰ خیلوی
ویڈیو پیغام میں عطاء اللہ نے آواز کی دُنیا کے اپنے تمام چاہنے والوں کو سلام کیا اور اُن کی خیریت دریافت کی اور کہا کہ الحمداللہ آپ کی دعاؤں اور محبتوں کے ساتھ میں بھی بالکل ٹھیک اور خیریت سے ہوں۔

عطاءاللہ خان عیسیٰ خیلوی نے کہا کہ آپ سب مجھے اپنی دُعاؤں میں یاد رکھیے گا اور اللہ آپ کا حامی و ناصر ہوں۔اللہ حافظ –

واضح رہے کہ اس سے قبل رواں سال اپریل میں بھی سوشل میڈیا پر عطاءاللہ خان عیسیٰ خیلوی کے انتقال کی افواہیں پھیل رہی تھیں جس کے بعد اُن کی ایک ویڈیو سامنے آئی تھی جس میں اُنہوں نے تمام جھوٹی خبروں کی تردید کرتے ہوئے کہا تھا کہ وہ طبیعت ناساز ہونے کے باعث اسپتال میں زیرعلاج تھے لیکن وہ زندہ ہیں۔

Leave a reply