بیرون ممالک پھنسے پاکستانیوں کی وطن واپسی کیلئے پی آئی اے کی خصوصی پروازیں جاری
باغی ٹی وی کی رپورٹ کے مطابق حکومت پاکستان کی ہدایات پر بیرون ممالک پھنسے پاکستانیوں کی وطن واپسی کیلئے پی آئی اے کی خصوصی پروازیں جاری ہیں۔
وزیر اعظم پاکستان عمران خان کی ہدایت پر بیرونِ ممالک میں پھنسے ہو ئے پاکستانیوں کی وطن واپسی کے لئے خصوصی اقدامات کئے گئے ہیں۔ حکومت پاکستان اور خاص طور پر وزیر ِ اعظم عمران خان صورتحال کی ذاتی طور پر نگرانی کر رہے ہیں ،موجودہ تکلیف دہ صورتحال میں مشکلات کا شکار سمندر پار پاکستانیوں کی بھرپور امداد کا فیصلہ کیاگیا ہے۔
پی آئی اے کا عملہ موذی وائرس کے خطرے کے باوجود اس مشکل صورتحال میں صف اول کا کردار ادا کر رہا ہے۔ وزیر ہوابازی غلام سرور خان کی کوششوں سے وطن واپسی کے خواہشمند پاکستانیوں کے لئے خصوصی پروازیں چلانی ممکن ہو ئیں۔ پی آئی اے نے بیرونِ ممالک پھنسے ہو ئے پاکستانیوں کی واپسی کے لیے پاکستان نے4اپریل سے اپنی فلائٹس کا آغاز کیا ،محدود پیمانے پر اسلام آباد کو ائیر ٹریفک کے لئے کھولا گیا اور پی آئی اے پر مسافروں کی تعداد کے حوالے سے پابندیاں عائد کر دی گئیں۔
پی آئی اے کی پروازوں سے4سے11اپریل کے دوران 18سو مسافر پاکستان واپس آئے۔ دنیا کے مختلف انٹرنیشنل ائیر پورٹس جو اب تک بند ہیں ان کی وجہ سے مشکلات کا سامنا ہو رہا ہے۔ بین الاقوامی قواعد و ضوابط اور عملی طور پر ائیر ٹریفک کی بندش کے باعث انتظامی مشکلات درپیش ہیں جنہیں کم کرنے کی کوششیں جاری ہیں ،14سے19اپریل تک مزید 6ائیر پورٹس ائیر ٹریفک کے لئے کھول دیے گئے۔
پی آئی اے کی مالی مشکلات، سی ای او ارشد ملک اور افسران کا بڑا فیصلہ
پالپا کا پروازوں کو آپریٹ کرنے سے انکار،اصل کہانی کیا ؟ جان کر لگے بڑا جھٹکا
کرونا کیخلاف جنگ،پروازیں آپریٹ نہ کرنیوالوں کے خلاف کیا ایکشن لیا جائے؟ بڑا مطالبہ آ گیا
بیرون ملک سے واپس آنیوالے پاکستانیوں کے لئے ایک اور نیا امتحان
اوورسیز خدا کیلئے واپس نہ آئیں، جانوروں جیسا سلوک صرف ذلت، شہری پھٹ پڑے
چھ ہزار پاکستانیوں کو مختلف ممالک سے خصوصی پروازوں کے ذریعے اگلے ہفتے تک لانے کا فیصلہ کیا گیا ہے۔ متحدہ عرب امارات میں بے روزگار پاکستانیوں کو واپس لانے کیلئے پی آئی اے کی 16پروازیں شیڈول کی گئی ہیں۔ برطانیہ اور کینیڈا کے لئے بھی خصوصی پروازیں چلائی جارہی ہیں۔ افریقہ اور امریکہ کیلئے بھی خصوصی فلائٹس کا انتظام کرلیا گیا ہے۔
دیگر پاکستانی جو بیرونِ ممالک میں ایسے مقامات پر مقیم ہیں جہاں صرف خصوصی پرواز ہی جاسکتی ہے جن میں جرمنی، آسٹریلیا اور کوریا وغیرہ شامل ہیں کے لئے بھی پروازیں چلائی جارہی ہیں۔ جاپان اور چین، فرانس، ناروے اور ڈنمارک سے بھی پاکستانیوں کو پہلے ہی وطن واپس پہنچایا جا چکا ہے۔
یہ اَمر قابلِ ذکر ہے کہ وطن واپسی کے لئے پرواز کرنے والی پاکستان انٹرنیشنل ائیر لائنز(PIA)کی اکثر فلائٹس یکطرفہ پرواز ہوتی ہیں۔ جہاز کے عملے اور مسافروں کو قرنطینہ کے مقرر شدہ بین الاقوامی قواعد و ضوابط کے مطابق آپریٹ کیا جاتا ہے۔ یوں مسافروں کی تعداد ایک خاص حد سے آگے نہیں جا سکتی۔
محدود اندازے کے مطابق 35ہزار کے لگ بھگ پاکستانی وطن واپسی کے خواہشمند ہیں۔ وطن واپسی پر مسافروں کو 48گھنٹے تک قرنطینہ کیا جائیگا،تمام مسافروں کو ٹیسٹنگ کے مرحلے سے گزرنا ہو گا۔ جن کے ٹیسٹ مثبت آئیں گے اُنھیں ہسپتال میں رکھا جائے گا ،وطن واپسی کے لئے بیرون ملک مقیم پاکستانی سفارت خانے سے فی الفور رابطہ کریں
بیرونی ممالک میں پاکستان کے سفیر اور ہائی کمیشنر، پھنسے ہوئے مسافروں کی ترجیحی فہرست ترتیب دینے کے ذمہ دار ہیں۔ اس ضمن میں متعلقہ اداروں اور بیرونِ ملک پاکستانی سفارتخانوں کو مربوط، جامع اور قابلِ عمل ہدایات جاری کر دی گئیں ہیں۔ موزی وائرس سے جنگ میں مصروف ڈاکٹرز، طبی عملہ، قانون نافذ کرنے والے اداروں اور سول انتظامیہ سمیت تمام متعلقہ حکام کی شب و روز کاوشوں کے نتیجے میں ٹیسٹنگ اور قرنطینہ کے انتظامات میں اضافہ کیا گیا جس کے باعث مزید پاکستانیوں کی وطن واپسی ممکن ہو سکی ہے
سربراہ پی آئی اے نے سنائی بیرون ممالک میں پھنسے پاکستانیوں کو بڑی خوشخبری
