پالپا کا پروازوں کو آپریٹ کرنے سے انکار،اصل کہانی کیا ؟ جان کر لگے بڑا جھٹکا
باغی ٹی وی کی رپورٹ کے مطابق پالپا کا پروازوں کو آپریٹ کرنے سے انکار کے حوالہ سے اندرونی کہانی سامنے آگئی، پالپا کی انتظامیہ سے اختلافات کی اصل وجوہات سامنے آگئے
کورونا وائرس کے نام پر لڑائی کی اصل وجوہات کپتانوں کی پی آئی اے کی مالی مشکلات کے تناظر میں کٹوتی سے انکار ہے،ذرائع کے مطابق پالپا نے انتظامیہ کو خط لکھا کہ کٹوتی کے بجائے تنخواہ میں اضافہ کیا جائے،
سی ای او پی آئی اے ارشد ملک سمیت اعلی افسران نے بیس فیصد تنخواہ ادارے کی مالی مشکلات دور کر نے کے لئے تنخواہوں سے کٹوتی کرائی ،پی آئی اے کے ہواباز تعداد میں 3 فیصد ہونے کے باوجود کل تنخواہوں کا 36 فیصد حاصل کرتے ہیں ،دیگر مراعات میں بزنس کال سفر اور فائیو اسٹار ہوٹلوں میں قیام جبکہ کام نہ کرنے کے باوجود 75 گھنٹے کا فلائیٹ الاونس شامل ہے ،
فلائینگ الاونس 9 ہزار،فی گھنٹہ سے لے کر 14 ہزار فی گھنٹہ ہے ،پائلٹس ذرائع کے مطابق بغیر منزل پر قیام اور اس ہی جہاز پہ واپس آنے کیلئے تیار نہیں ،کراچی سے بیس پائلٹس نے لاہور یا اسلام آباد پر جانے کیلئے چارٹر طیارے کا مطالبہ بھی کیا
سی ای او پی آئی اے ائیر مارشل ارشد ملک نے خسارے کا شکار ائیرلائن کو مزید نقصان سے بچانے کیلئے پائلٹس اور عملے کو فضائیہ کے سی ون تھرٹی طیارے پر بھجوانے کی آفر کی تھی تاہم پائلٹ نے کارگو طیارے میں جانے سی انکار کردیا.
پالپا نے بیرون ملک سے واپسی پر عملے کو قرنطینہ میں رکھنے کے معاملے پر بھی بلیک میلنگ کی ،پائلٹس نے قرنطینہ سنٹرز میں جانے کی بجائے چودہ روز کیلئےفائیو اسٹار ہوٹل میں قرنطینہ ہونے کا مطالبہ کیا ،چیف ایگزیکٹو آفیسر کے بارہا مذکرات کے لیے بلانے کے باوجود بھی پالپا صدر چوہدری سلمان نے ملاقات نہ کی ،
پالپا صدر کا موقف کہ سی ای او پی آئی اے سیکٹری جنرل سے رابطہ کریں صدر صرف وزیر ہوابازی سطح پر بات کریں گے ۔ پی آئی اے انتظامیہ نے پائلٹس کو این ڈی ایم اے سے کورونا کٹس ، این 95 ماسک اور دیگر حفاظتی سامان بھی لیکر دینے کی آفر کی ہے ہڑتال کا حصہ نہ بننے والے فرسٹ آفیسرز کو بھی پالپا عہدایدار ایسوسی ایشن کی رکنیت سے برطرف کرنے کی دھمکیاں دے رہے ہیں
قبل ازیں پی آئی اے کے پائلٹس کا عراق میں پھنسے پاکستانیوں کو واپس لانے سے انکار پرسوشل میڈیا پر نئی بحث چھڑ گئی،سوشل میڈیا صارفین نے پائلٹس پر تنقید کرتے ہوئے پی آئی اے کے سی ای او سے پائلٹس کو فارغ کرنے کا مطالبہ کردیا
صارفین کا کہنا تھا کہ دو ملین روپے ماہانہ تنخواہ لینے والے مشکل وقت میں ہڑتال پر چلے جاتے ہیں،مشکل حالات میں راہ فرار اختیار کرنے والوں کے بجائے نوجوانوں کو مواقع دیئے جائیں، شاہین ایئر، اور ایئر فورس کے پائلٹس کی خدمات حاصل کی جائیں،بیرون ملک مقیم پاکستانی ہمارا اثاثہ ہیں،پالپا کے تمام ممبران کے خلاف فوری کاروائی کا بھی مطالبہ کیا گیا ہے
واضح رہے کہ پائلٹ کی جانب سے پالپا کی ہدایات کے مطابق پروازوں کے لئے نہ آنے پر گزشتہ روز گلگت بلتستان کے لئے 2 پروازیں منسوخ کی گئی تھیں، گزشتہ روز پالپا نے کپتانوں کو جہاز اڑنے سے منع کیا تھا،پالپا نے پی آئی اے انتظامیہ پر حفاظتی اقدامات نہ کرنے کے الزمات لگائے تھے اور کہا تھا کہ اراکین کی صحت کے حوالہ سے کوئی کمپرو مائیز نہیں کیا جا سکتا جب تک حفاطتی انتظامات نہیں کئے جاتے کوئی بھی پائلٹ پرواز نہیں لے کر جائے گا
بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ
کرونا وائرس،بھارت میں اتنے مریض ہو جائیں گے کہ لاشیں بلڈوزر سے گڑھے میں ڈالنا پڑیں گی
چین میں کرونا وائرس کا پہلا مریض اب کس حال میں ہے ؟
کرونا کے وار جاری، 288 پولیس اہلکاروں میں ہوئی کرونا کی تشخیص
سعودی عرب میں کرونا کے مریضوں میں مسلسل اضافہ، شاہ سلمان نے دیا عالمی ادارہ صحت کو فنڈ
پالپا کی جانب سے کہا گیا کہ آپریشن شروع کرنے کے لیے انسانی ہمدردی کی بنیاد پر رضامندی ظاہر کی تھی مگر انتظامیہ محفوظ ماحول فراہم کرنے میں ناکام ہے۔ ممبران کی صحت ہماری سب سے پہلی ترجیح ہے.
