fbpx

حضوراکرمﷺ کی شان میں گستاخی کرنیوالی بی جے پی لیڈر نپور شرما اور ٹائمز ناؤ کےخلاف مقدمہ درج

عمرکھیڑ: گزشتہ دنوں ٹی وی چینل ٹائمزناو کے ایک پروگرام میں بی جے پی کی ترجمان نپور شرما نے ڈیبیٹ میں آپ صلی اللہ وسلم کی شان میں گستاخی کی تھی اور اماں عائشہ صدیقہ کے بارے میں بھی نازیبا الفاظ استعمال کیے تھے۔ اس کے بعد مسلمانوں میں شدید برہمی اور ناراضگی پائی جارہی ہے۔

گزشتہ روز بھیونڈی میں جلسہ عام سے خطاب کرتے ہوئے بیرسٹر اسدالدین اویسی نے مہاراشٹر کے مجلس کے ذمہ داران کو ہدایت دی تھی کہ وہ گستاخ رسول صلی علیہ وآلہ وسلم کے خلاف ایف آئی آر درج کرائیں۔ جس کے بعد مہاراشٹر کے مجلس کے جنرل سیکرٹری جناب سید معین نے ناندیڑ ۔پربھنی۔ہنگولی۔ ایوت محل کے مجلس کے صدور کو ایف أئی آر کا فارمیٹ اور ٹی وی ڈیبیٹ کا ویڈیو روانہ کئے۔

 

اس کے بعد آج عمر کھیڑ کے مجلس کے صدر سید عرفان نے آج مقامی پولیس اسٹیشن سے ربط قائم کرکے انھیں معاملے سے واقف کروایا ۔جس کے بعد پولس نے بی جے پی کی لیڈر نپور شرما اور ٹائمز ناؤ چینل کے خلاف شکایت درج کروائی ۔ پولس نے تعزیرات ہند کی دفعہ 295اے اور 153اے کے تحت مقدمہ درج کیا ہے ۔اس طرح مہاراشٹر میں گستاخ رسولِ اکرم کے خلاف پہلی ایف أئی آر درج ہوئی ہے۔