چیڈر چیز اور مکئی کے لذیذ سموسے بنانے کی ترکیب

اجزاء:
سموسہ پٹی ایک پاؤ
میدہ حسب ضرورت
مکئی کا چھوٹا ٹن ایک عدد
شملہ مرچ آدھی چھوٹی باریک کاٹ لیں
ہری مرچ 1 عدد باریک کاٹ لیں
چیڈر چیز 50 گرام کدو کش کر لیں
تیل آدھا کپ

ترکیب:
تھوڑے سے میدے میں پانی ڈال کر لئی سی بنا لیں مکئی کا پانی نتھار کر سموسہ پٹی اور تیل کے علاوہ تمام اجزا ایک باؤل میں ڈال کر اچھی طرح مکس کر لیں پھر ایک کھانے کا چمچ بھر کر سموسہ پٹی کے اوپر رکھ کر اسے اس طرح لپیٹیں کہ تکون کی شکل بن جائے تو میدے کی لئی سے چپکا کر بند کر دیں سموسوں کو ہلکے گیلے کپڑے سے ڈھانک کر رکھیں کڑاہی میں تیل گرم کر کے اس میں ہلکی آنچ پر ڈیپ فرائی کر لیں جب اچھی طرح براؤن ہو جائیں تو نکال کر کیچپ یا دہی کی چٹنی کے ساتھ پیش کریں