چین، سعودی عرب، جاپان کے بعد ایک اور ملک پاکستان کی مدد کو آگیا
باغی ٹی وی کی رپورٹ کے مطابق کرونا وائرس سے نمٹنے کے لئے چین، سعودی عرب کے بعد ایک اور ملک بھی پاکستان کی مدد کو آ گیا
متحدہ عرب امارات کی طرف سے پاکستان کےلئے طبی سامان کی پہلی کھیپ اسلام آباد ایئرپورٹ پر پہنچ گئی ہے، یہ خصوصی طیارہ کے ذریعے پہنچے والی طبی سامان کی پہلی کھیپ تھی جبکہ مزید طبی ترسیل متحدہ عرب امارات سے جلد پاکستان پہنچنے والی ہے تاکہ کورونا سے نمٹنے میں برادر پاکستانی عوام اور حکومت کی مدد کی جاسکے۔
متحدہ عرب امارات کے سفارتخانہ کی طرف سے جاری بیان میں کہا گیا ہے کہ عالمی وبائی مرض کے مقابلے کےلئے یہ غیر معمولی اقدام ابو ظہبی کے ولی عہد اور امارات کی مسلح افواج کے ڈپٹی سپریم کمانڈر شیخ محمد بن زاید النہیان کی ہدایات کی روشنی میں کیا گیا۔
واضح رہے کہ اس سے قبل چین کی جانب سے پاکستان کی کرونا وائرس سے نمٹنے کے لئے بڑے پیمانے پر امداد کی جا رہی ہے، چین سے چھ جہاز طبی سامان کے لا چکے ہیں ،چینی ڈاکٹرزکی بھی ایک ٹیم پاکستان میں موجود ہے,سعودی عرب نے بھی طبی سامان پاکستان کے حوالے کیا ہے،
کرونا وائرس،بھارت میں اتنے مریض ہو جائیں گے کہ لاشیں بلڈوزر سے گڑھے میں ڈالنا پڑیں گی
چین میں کرونا وائرس کا پہلا مریض اب کس حال میں ہے ؟
کرونا کے وار جاری، 288 پولیس اہلکاروں میں ہوئی کرونا کی تشخیص
بھارت میں کرونا کے 44 مریض، مندر میں بتوں کو بھی ماسک پہنا دیئے گئے
تبلیغی مرکز کے نواحی علاقے کے 200 افراد کرونا کے شبہہ میں ہسپتال منتقل،ڈرون کے ذریعہ علاقہ کی نگرانی
بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ
ایران کے خلاف قابل اعتراض مواد نشر کرنے پر ایرانی سفارتخانے نے کہا "جیو” اسلام دشمنی پر اتر آیا
سعودی حکومت کی جانب سے پاکستان کو 270 تھرمل سکیز،550 باکس سرجیکل ماسک کا تحفہ دیا گیا ہے، سعودی عرب کی جانب سے دیئے گئے طبی سامان میں 550 باکس سینی ٹائمزر،350 سیفٹی کٹس اور 550 باکس سرجیکل گلوز بھی شامل ہیں
جاپان نے بھی پاکستان کی مدد کرنے کا اعلان کیا ہے،جاپان کی حکومت نے کرونا وائرس سے نمٹنے کے لئے پاکستان کو 21 لاکھ 60 ہزار ڈالر دینے کا اعلان کردیا۔ اسلام آباد میں قائم جاپانی سفارت خانے کی جانب سے جاری ہونے والے اعلامیے کے مطابق جاپان کی جانب سے پاکستان کو 2.16 ملین ڈالر کی امداد دی جائے گی۔
