نماز جمعہ سے منع کرنے پر نمازیوں نے پولیس اہلکاروں پر حملہ کردیا،صورت حال کشیدہ ہوگئی

0
30

کراچی :نماز جمعہ سے منع کرنے پر نمازیوں نے پولیس اہلکاروں پر حملہ کردیا،صورت حال کشیدہ ہوگئی ،طلاعات کےمطابق کراچی کے علاقے لیاقت آباد میں مسجد میں نماز جمعہ کی ادائیگی سے روکنے پر شہریوں نے پولیس اہلکاروں پر ہی حملہ کردیا۔

کورونا وائرس کے پھیلاؤ کو روکنے کے لیے سندھ حکومت نے نماز جمعہ کے اجتماع کو محدود اور دوپہر 12 بجے سے سہ پہر 3 بجے تک مکمل لاک ڈاؤن کا اعلان کیا تھا۔ایسے میں کراچی کے علاقے لیاقت آباد میں پابندی کے باوجود نماز جمعہ کا اجتماع منعقد کرنے پر پولیس کارروائی کے لیے پہنچی تو امام مسجد کے اُکسانے پر لوگوں نے پولیس پر حملہ کردیا۔

مشتعل شہریوں کی بڑی تعداد نے پولیس اہلکاروں کو تشدد کا نشانہ بنایا جس کے نتیجے میں 2 اہلکار زخمی ہوگئے۔پولیس کے مطابق دیگر اہلکاروں کو ایک شہری نے گھر میں پناہ دے کرتشدد سے بچایا۔بعد ازاں پولیس نے کارروائی کرتے ہوئے لاک ڈاؤن کی خلاف ورزی پر امام مسجد کو حراست میں لے لیا۔

دوسری جانب شہریوں کے پولیس اہلکاروں پر تشدد کی ویڈیوز سوشل میڈیا پر تیزی سے وائر ہورہی ہیں جس پر شدید تنقید کی جارہی ہے۔خیال رہے کہ کراچی میں اب تک کورونا وائرس کے باعث 12 افراد جاں بحق ہوچکے ہیں جبکہ صوبے میں مجموعی تعداد 13 ہے۔راچی سمیت صوبے میں متاثرہ افراد کی تعداد 783 ہے جن میں سے 65 مریض صحتیاب ہوچکے ہیں۔

Leave a reply