کرونا وائرس کا پھیلاؤ روکنے کیلئے پاک فوج کرے گی حکومتی اداروں کی مدد
باغی ٹی وی کی رپورٹ کے مطابق پاک فوج کرونا وائرس کا پھیلاؤ روکنے کے لیے ’ٹیسٹ، ٹریس اور قرنطینہ (ٹی ٹی کیو)‘ کی حکمت عملی پر عملدرآمد کے لیے حکومتی اداوں کی معاونت کرے گی۔
ڈان اخبار کی رپورٹ کے مطابق چیف آف آرمی اسٹاف جنرل قمر جاوید باجوہ کو نیشنل کمانڈ اینڈ آپریشن سینٹر کے دورے کے موقع پر ٹی ٹی کیو حکمت عملی کے بارے میں بریف کیا گیا۔ پاکے فوج کے شعبہ تعلقات عامہ (آئی ایس پی آر) سے جاری کردہ بیان کے مطابق ٹی ٹی کیو کا ’مقصدبیماری کے پھیلاؤ کی نشاندہی کرنا، لاک ڈاؤن کے لیے وائرس سے سب سے زیادہ متاثر علاقوں پر توجہ دینا اور ضرورت کی بنیاد پر وسائل کا استعمال کرنا ہے’۔
بیان میں کہا گیا کہ ملک کے ’اسمارٹ لاک ڈاؤن‘ کی جانب جانے کے پیشِ نظر یہ حکمت عملی اختیار کی جارہی ہے، اسمارٹ لاک ڈاؤن کے تحت ایک ہائبرڈ ماڈل پر عمل کیا جارہا ہے جس میں سماجی فاصلہ برقرار رکھتے ہوئے محدود معیشت کی بحالی، کمزور افراد کی آئیسولیشن اور نظامِ صحت کی صلاحیتوں میں اضافہ کرنا ہے۔
خیال رہے کہ 14 اپریل کو وزیراعظم عمران خان نے لاک ڈاؤن میں نرمی کا اعلان کیا تھا ساتھ ہی مختلف شعبوں کو کھولنے کے باعث بیماری کے پھیلاؤ پر نظر رکھنے کے لیے ٹی ٹی کیو حکمتِ عملی تشکیل دی گئی تھی۔ ٹی ٹی کیو حکمت عملی میں ٹیسٹنگ کی صلاحیت میں اضافہ کرنا، مصدقہ کیسز کے رابطوں کا تیزی سے سراغ لگانا اور مصدقہ اور مشتبہ کیسز کو موثر طریقے سے قرنطینہ کرنا شامل ہے۔
اس حکمت عملی میں افرادی قوت اور ٹیکنالوجی درکار ہے لیکن اسے ملکی معیشت بند کرنے کے بجائے بہتر آپشن قرار دیا جارہا ہے۔ اس ضمن میں ایک عہدیدار کا کہنا تھا کہ ٹی ٹی کیو سے کووِڈ 19 کی قومی حکمت عملی تشکیل دی جائے گی اور فوج اپنی مہارت اور تکنیکی صلاحیتوں سے شہری اداروں کی معاونت کرے گی۔
اس ضمن میں ٹی ٹی کیو کے ایک پائلٹ پروجیکٹ پر کام جاری ہے اور آئندہ چند روز میں اس پر بڑے پیمانے پر عمل کیا جانے لگے گا،آئی ایس پی آر کے مطابق آرمی چیف کا کہنا تھاکہ ’پاک فوج دیگر قومی اداروں کے ساتھ تعاون کر کے اس مشکل وقت میں خاص کر رمضان المبارک کے دوران قوم کو راحت فراہم کرنے کے لیے تمام تر ممکنہ اقدامات کرے‘۔علاوہ ازیں آرمی چیف نے این سی او سی میں سول ملٹری تعاون کو سراہا اور ’خطرے کے بتدریج جائزہ لینے، صحت بحران کو سنبھالنے، معاشی گراوٹ اور موثر انتظامات سے نفسیاتی و سماجی اثرات کی ضرورت پر زور دیا۔
وفاقی وزیر برائے منصوبہ بندی اسد عمر ، جو این سی او سی کے صدر ہیں ، اور لیفٹیننٹ جنرل حمودالزمان قومی کو آرڈینیٹر ہیں نے مل کر مختلف شعبوں میں تعاون کو فروغ دیتے ہوئے اس مہم کو آگے بڑھایا ہے۔ اسدعمر نے پوری سیاسی صلاحیتوں کے ساتھ پوری کوشش کی جب کہ جنرل حموالزمان نے اداروں کو مضبوط بنانے اور صلاحیتوں کو بڑھانے کے سی او ایس وژن کو مزید تقویت بخشی ہے
پاکستان میں مریضوں کی تعداد 10 ہزار 513 جبکہ ہلاکتوں کی مجموعی تعداد 224 ہو گئی ہے،کرونا وائرس کے حوالہ سے بنائے گئے نیشنل کمانڈ اینڈ آپریشن سینٹر کی جانب سے جاری کردہ تازہ ترین اعدادوشمار کے مطابق گذشتہ 24 گھنٹوں کے دوران 742 نئے کیسز سامنے آئے ہیں،
پنجاب میں سب سے زیادہ 4590، سندھ میں 3373، خیبر پختونخوا میں 1453، بلوچستان میں 552، گلگت بلتستان میں 290، اسلام آباد میں 204 جبکہ آزاد کشمیر میں 51 مریض ہیں،پاکستان میں اب تک ایک لاکھ 24 ہزار 549 افراد کے ٹیسٹ کئے گئے، گذشتہ 24 گھنٹوں کے دوران 6 ہزار 700 نئے ٹیسٹ کئے گئے، اب تک 2337 مریض صحتیاب ہوچکے ہیں جبکہ 44 مریضوں کی حالت تشویشناک ہے۔
دنیا بحران کی جانب گامزن.ٹرمپ کی چین کو نتائج بھگتنے کی دھمکی، مبشر لقمان کی زبانی ضرور سنیں
سعودی شاہی خاندان کو بڑا جھٹکا،بادشاہ اورولی عہد جزیرہ میں روپوش، مبشر لقمان نے کیے اہم انکشافات
سعودی ولی عہد کے خلاف بغاوت کے الزام میں شاہی خاندان کے 20 مزید افراد گرفتار
سعودی عرب میں بغاوت ، کون ہوگا اگلا بادشاہ؟ سینئر اینکر پرسن مبشر لقمان نےبتائی اندر کی بات
خلیل الرحمان قمر vs ماروی سرمد | مبشر لقمان بھی میدان میں آگئے۔
پاکستان میں کورونا سے ایک دن میں 15 افراد جاں بحق ہوگئے جس کے بعد وائرس سے مرنے والوں کی تعداد 224 ہوگئی۔ سندھ میں 69، پنجاب میں 58، خیبر پختونخوا میں 83، گلگت بلتستان میں 3، بلوچستان میں 8 اور اسلام آباد میں 3 مریض جان کی بازی ہار چکے ہیں.
