کرونا وائرس سے نمٹنے کے لئے وزیراعلیٰ پنجاب سندھ کو فالو کرنے لگے

کرونا وائرس، وزیراعلیٰ پنجاب نے اجلاس میں کیے اہم فیصلے، سندھ کو فالو کرنے لگے
باغی ٹی وی کی رپورٹ کے مطابق وزیراعلیٰ پنجاب عثمان بزدارنے کورونا وائرس کی روک تھام کےلیے اہم فیصلے کئے ہیں

ایکسپوسینٹر لاہور میں 900بستروں پر مشتمل خصوصی فیلڈ اسپتال کے قیام کی منظوری دے دی گئی ہے،وزیراعلیٰ عثمان بزدار نے کمشنر لاہور کو فیلڈ اسپتال کے قیام کےلیے فوری اقدامات کی ہدایت کر دی،وزیراعلیٰ عثمان بزدار نے محکمہ صحت اورپی ڈی ایم اے کے لیے 8ارب روپے فنڈزکا اعلان کر دیا،وزیراعلیٰ عثمان بزدا ر کی ہدایت پر محکمہ خزانہ نے ہنگامی بنیادوں پر فنڈز کا اجراء کردیا.

واضح رہے کہ کراچی کے ایکسپوسنٹر میں گزشتہ روز ہسپتال بنانے کا اعلان کیا گیا تھا ، آج وزیراعلیٰ پنجاب نے لاہور میں اعلان کر دیا، اس سے قبل وزیراعلیٰ سندھ نے سکھر زائرین کو لانے کے لئے اپنا ہیلی کاپٹر دے دیا تھا جس کے بعد وزیراعلیٰ پنجاب نے بھی اپنا ہیلی کاپٹر کرونا سے نمٹنے کے لئے دینے کا اعلان کیا تھا،

وزیراعلیٰ پنجاب نے کورونا وائرس کے خطرے سے لڑنے والے ہیلتھ کیئر پروفیشنلز خصوصاً ڈاکٹرز کے لیے خصوصی مراعات دینے کی ہدایت کی ہے، غریب افراد اور مریضوں کے لواحقین کے لیے راشن مہیا کرنے کی بھی ہدایت کی ہے،وزیراعلی پنجاب نے ریٹائرڈ ڈاکٹروں کو واک ان انٹرویو کے ذریعے بھرتی کرنے کی منظوری دے دی

وزیراعلیٰ پنجاب @UsmanAKBuzdar کی زیر صدارت قائم کابینہ کمیٹی کے اجلاس میں کورونا وائرس کی روک تھام کیلئے اہم فیصلے:
• ایکسپوسینٹر لاہور میں 900 بستروں پر مشتمل خصوصی فیلڈ ہسپتال کے قیام کی منظوری
• محکمہ صحت اور پی ڈی ایم اے کیلئے تقریباً 8 ارب روپے کے فنڈز کا اعلان pic.twitter.com/d2W1WAkoNX

— Pervez Elahi Updates (@CMPunjabPK) March 20, 2020

پنجاب حکومت نے ملتان میں پاکستان کا سب سے بڑا قرنطینہ سینٹر بنا دیا۔ اس قرنطینہ سینٹر میں کورونا وائرس کے 6 ہزار کنفرم مریضوں کو رکھا جا سکتا ہے۔وزیراعلیٰ پنجاب نے18 مارچ کو اس قرنطینہ سینٹر کا وزٹ کر کے انتظامات کا جائزہ لیا تھا.

پنجاب میں کورونا وائرس کے 80 کنفرم مریض ہیں۔ ترجمان پرائمری اینڈ سکینڈری ہیلتھ کئیر کا کہنا ہے کہ 55 زائرین، 15 لاہور، 2 ملتان، 3 مظفر گڑھ، 1 راولپنڈی اور 4 گجرات کے مریضوں میں وائرس کی تصدیق ہوئی،تمام کنفرم مریض آئسولیشن وارڈز میں داخل ہیں۔ کنفرم مریضوں کو دیگر افراد سے الگ آئسولیشن وارڈز میں رکھا گیا ہے۔

حکومت پنجاب نے تعلیمی و میڈیکل ایمرجنسی کے بعدصوبہ بھر میں دفعہ 144 کے تحت گھروں میں تقریبات پر پابندی لگا دی۔ پابندی پرائیویٹ پراپرٹیز کے اندر تقریبات پر بھی ہوگی۔ اس ضمن میں چیف سیکریٹری داخلہ کی جانب سے جاری نوٹیفکیشن میں کہا گیا ہے کہ پابندی 4 اپریل تک برقرار رہےگی، پابندی کا حکم صوبے بھر میں فوری طور پر نافذ العمل ہوگا

وزیراعظم پرتنقید کا وقت نہیں، کرونا وائرس کا پاکستان مقابلہ کر سکتا ہے، بلاول

کرونا وائرس، سندھ حکومت نے انتہائی اقدامات کا فیصلہ کر لیا،بین الصوبائی بارڈر ہوں گے بند

گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

بھارت میں کرونا کے 44 مریض، مندر میں بتوں کو بھی ماسک پہنا دیئے گئے

صوبہ بھر میں ایمرجنسی کے لیے مختص 236ملین میں 217ملین کی خریداری کر لی گئی ہے۔ ترجمان پرائمری اینڈ سکینڈری ہیلتھ کئیر کا کہنا تھا کہ160ملین کے گاون، 20ملین کے N95ماسک، 9.3ملین کے گلوز، 1.1ملین کے سرجیکل ماسک خریدے گئے ہیں۔اسی طرح8.4ملین کی عینکیں، 4.46ملین کے شو کور، 0.7ملین کے لونگ شوز، 3.5ملین کے سینی ٹائزر،2.9 ملین کی فیس شیلڈ، 1.2ملین کے ایگزامی نیشن گلوزاور4.84ملین کے سرجیکل گلوز بھی خریدے گئے ہیں

پنجاب میں کرونا کے مریضوں کے انتظامات کی ایسی حقیقت سامنے آئی کہ جان کر ہوں پریشان، بزدار سرکار ہوئی ناکام