دانش تیمور فٹبالر کرسٹیانو رونالڈو کے شکر گزار کیوں؟

0
29
دانش تیمور فٹبالر کرسٹیانو رونالڈو کے شکر گزار کیوں؟ #Baaghi

پاکستان کے معروف اداکار دانش تیمورنے پرتگالی اسٹار فٹبالر کرسٹیانو رونالڈو کی جانب سے انسٹاگرام ویڈیو میں شامل اپنا نام دیکھ کر خوشی کا اظہار کیا ہے-

باغی ٹی وی:حال ہی میں رونالڈو کے تصدیق شدہ انسٹاگرام اکاؤنٹ پر فالوورز کی تعداد 300 ملین سے زائد ہوئی ہے جس کے بعد وہ دُنیا کی وہ واحد شخصیت بن گئے ہیں جنہیں انسٹاگرام پر 300 ملین سے زائد صارفین نے فالو کیا ہوا ہے-

کامیابی کے اس موقع پر رونالڈو نے اپنے مداحوں کا شکریہ ادا کرنے کے لیے انسٹاگرام پر ایک خصوصی ویڈیو پوسٹ کی جو اُنہوں نے دُنیا بھر میں موجود اپنے مداحوں کے محبت بھرے پیغامات کو جوڑ کر بنائی جن میں پاکستانی اداکار دانش تیمور کا پیغام بھی شامل تھا –

رونالڈو کی ویڈیو میں اپنا نام دیکھ کر دانش تیمور ناصرف خوش ہوئے بلکہ فٹبالر کے لیے انسٹاگرام پر پوسٹ بھی شیئر کردی۔

دانش تیمور نے اپنی انسٹاگرام پوسٹ کے کیپشن میں لکھا کہ میں پہلے دن سے ہی رونالڈو کا ایک بہت بڑا مداح رہا ہوں میں نے آج صبح دیکھا انسٹاگرام پر رونالڈو کو 300 ملین صارفین نے فالو کرلیا ہے تو بہت خوشی ہوئی اور پھر میں رونالڈو کی ویڈیو میں اپنا نام دیکھ کر چونک گیا۔

اُنہوں نے لکھا کہ میں ابھی بھی اس بات پر یقین نہیں کرسکتا کہ رونالڈو نے اپنی ویڈیو میں میرا نام اور پیغام شامل کیا ہے۔

دانش تیمور نے اپنی خوشی کا اظہار کرتے ہوئے لکھا کہ یہ واقعی ایک اعزاز کی بات ہے اور میں کبھی بھی نہیں بھولوں گا، یہ میری پوری زندگی کا ایک بہترین دن ہوسکتا ہے۔دانش تیمور

آخر میں اُنہوں نے پرتگالی اسٹار فٹبالر کرسٹیانو رونالڈو کا شکریہ بھی ادا کیا۔

کرسٹیانو رونالڈو انسٹاگرام پر سب سے زیادہ فالوورز رکھنے والی شخصیت بن گئے

اسٹار فٹبالر کرسٹیانو رونالڈو نے ایک اور گول کر کے اہم سنگ میل عبور کر لیا

رونالڈو نے کوک کی بوتلیں پریس کانفرنس کے میز سے ہٹائیں تو کمپنی کو کتنے اربوں کا نقصان ہوگیا

Leave a reply