داؤد ابراہیم، ایک بار پھرچھاپے، گرفتاریاں، تحقیقات،معاملہ کیا
باغی ٹی وی کی رپورٹ کے مطابق بھارتی تحقیقاتی ادارے انفورسمنٹ ڈائریکٹوریٹ (ای ڈی) نے ایک بار پھر بھارت کے انڈر ورلڈ ڈان داؤد ابراہیم کی تلاش اور اسکی دولت کے بارے میں تحقیقات کیلیے آپریشن تیز کر دیا ہے
ای ڈی نے داؤد ابراہیم کی بہن حسینہ پارکر کی رہائشگاہ جو ممبئی میں ہے پر چھاپہ مارا، ای ڈی نے داؤد ابراہیم سے رابطے میں رہنے والے یا انکے رشتے داروں کے گھروں ٔپر بھی دس سے زائد چھاپے مارے، ای ڈی داؤد ابراہیم کے کالے دھن کی معلومات اکٹھی کر رہی ہیں، ای ڈی نے گینگیسٹر چھوٹا شکیل کے قریبی رشتے داروں سلیم قریشی سے بھی نو گھنٹے تک طویل تحقیقات کی ہیں
بھارتی تحقیقاتی ایجنسی ای ڈی نے منی لانڈرنگ میں ملوث ہونے کا شبہ ظاہر کر کے داؤدابراہیم کے قریبی افراد کے گھروں پر چھاپے مارے ہیں، بھارتی خبر رساں ادارے کے مطابق سلیم قریشی سے تحقیقات کے بعد ایک بلڈر کو بھی طلب کیا گیا تھا جس سے تحقیقات کی گئیں، ممبئی کے چور بازار میں ایک دکان کے مالک کو بھی طلب کیا گیا تھا، ظاہر کیا جا رہا ہے کہ داؤد ابراہیم کے لئے یہ سرمایہ کاری کرتے ہیں، ای ڈی اس بات کی تحقیقات بھی کر رہی ہے کہ جس کالے دھن کا استعمال داؤد ابراہیم کے گروپ کی جانب سے کیا گیا اس کا استعمال کیا سیاسی تقاریب میں بھی کیا گیا یا پھر کسی سیاستداں کو اس سے فائدہ حاصل ہوا؟
گزشتہ روز ممبئی کے مسلمان آبادی والے علاقے ناگپاڑی میں ایک فلیٹ پر ای ڈی کے حکام نے چھاپہ مارا تھا ، بھارتی خبر رساں ادارے کے مطابق اس چھاپے کے دوران ای ڈی کو اہم دستاویزات ملیں جن سے ظاہر ہوتا ہے کہ داؤد ابراہیم منی لانڈرنگ میں ملوث ہے اور اس میں کئی ثبوت ہیں، ای ڈی نے داؤد ابراہیم اور اسکے دوستوں کیخلاف منی لانڈرنگ کا مقدمہ درج کر رکھا ہے،
داؤد ابراہیم کو کراچی میں قتل کرنے کی بھارتی حساس اداروں کی سازش کب ہوئی تھی ناکام؟
بھارتی میڈیا کا کراچی میں داؤد ابراہیم کی چھتیسویں بار کرونا سے موت کا دعویٰ
ممبئی بم دھماکوں کے ملزم ،داؤد ابراہیم کے ساتھی یوسف میمن کی جیل میں ہوئی موت
داؤد ابراہیم کا بھارت میں پھر چرچا، بھارت سرکار نے بڑا قدم اٹھا لیا
واضح رہے کہ بھارت گزشتہ کئی سالوں سے داؤد ابراھیم کا سراغ لگانے میں مصروف ہے لیکن ممبئی میں اُسکا اثر رسوخ آج تک ختم نہیں کر سکا۔ اب برطانیہ سے مدد مانگی جا رہی ہے داؤد ابراھیم کے ایک قریبی جابر صدیق (موتی والا) پر گھیرا تنگ کرنے کے لئے، بھارت یہی سمجھتا ہے کہ داؤد پاکستان میں ہے۔
1993 میں ممبئی میں ہونے والے بم دھماکوں میں 257 افراد ہلاک اور تقریباً 700 سے زخمی ہوئے تھے. یہ بھارت کی تاریخ میں سب سے زیادہ تباہ کن مربوط بم دھماکے تھے۔ خیال ظاہر کیا جاتا ہے کہ یہ بم دھماکے داؤد ابراہیم کے حکم سے یا امداد سے اس کے کارندے ٹائیگر میمن نے کیے۔
بھارت عدالت عظمیٰ نے اس مقدمہ کے 20 سال بعد اپنا فیصلہ 21 مارچ 2013 کو دیا۔ تاہم، مقدمہ کے دو اہم ملزمان داؤد ابراہیم اور ٹائیگر میمن ابھی تک گرفتار نہیں کیے گئے۔ مہارشٹرا حکومت نے یعقوب میمن (ٹائیگر میمن کا بھائی) کو اس کی 53 ویں سالگرہ کے دن 30 جولائی 2015ء کو پھانسی دینے کا ارادہ کیا، یعقوب میمن نے رحم کی درخواست دی،مگر اسے رد کر دیا گیا۔ یعقوب کو 30 جولائی 2015 کو مہاراشٹر کے يروڈا جیل میں پھانسی دی گئی تھی
یہ بم دھماکے سنہ 1992 میں بابری مسجد کے انہدام کے بعد ممبئی میں ہونے والے مسلم مخالف فسادات کے بعد ہوئے تھے جس میں ایک ہزار سے زیادہ مسلمان شہید ہوئے تھے۔فسادات کے رد عمل میں ہونے بم دھماکوں کا مقدمہ تو اپنے انجام کو پہنچا اور لوگوں کو سزائیں بھی ہوئیں لیکن ان فسادات کے دوران ایک ہزار افراد کو قتل کرنے والوں میں سے آج تک کسی کو سزا نہیں ہوئی ہے
دہلی سے مسلم نوجوان گرفتار،داؤد ابراہیم سے تعلق،پاکستان سے تربیت لی، دہلی پولیس کا دعویٰ
