داؤد ابراہیم کی اطلاع دینے والے کو ملیں گے پورے 25 لاکھ
باغی ٹی وی کی رپورٹ کے مطابق بھارت نے انڈر ورلڈ ڈان داؤد ابراہیم اور اسکے ساتھیوں کی اطلاع دینے والے کو انعام دینے کا اعلان کر دیا
بھارتی تحقیقاتی ایجنسی این آئی اے نے اس ضمن میں اعلان کیا ہے کہ داؤد ابراہیم کی اطلاع دیں اور 25 لاکھ روپے انعام حاصل کریں، این آئی اے کی جانب سے کہا گیا ہے کہ مصدقہ اطلاع دینے والے کو نقد انعام دیا جائے گا، این آئی اے کو داؤد ابراہیم اور اسکے ساتھیوں کی تلاش ہے، این آئی اے نے داؤد ابراہیم کے ساتھیوں چھوٹا شکیل پر 20 لاکھ روپے انعام رکھا ہے ، جبکہ داؤد ابراہیم کے بھائی انیس ابراہیم کے بارے میں اطلاع دینے والے کو 15 لاکھ روپے انعام دینے کا اعلان کیا ہے،
این آئی اے نے داؤد ابراہیم کے دیگر ساتھیوں جاوید اور ٹائیگر میمن پر پندرہ پندرہ لاکھ روپے انعام کا اعلان کیا ہے، این آئی اے کے مطابق داؤد ابراہیم اور اسکے ساتھی بھارت مین دہشتگردی،منی لانڈرنگ،منشیات سمگلنگ میں ملوث ہیں ، رواں برس ماہ فروری میں این آئی اے نے داؤد ابراہیم کیخلاف ایک نیا کیس دائر کیا گیا جس میں کہا گیا تھا کہ داؤد ابراہیم نے بھارت میں ایک خصوصی یونٹ تیار کی ہے جو سیاستدانوں اور بڑے تاجروں پر حملے کر سکتی ہے
داؤد ابراہیم کو کراچی میں قتل کرنے کی بھارتی حساس اداروں کی سازش کب ہوئی تھی ناکام؟
بھارتی میڈیا کا کراچی میں داؤد ابراہیم کی چھتیسویں بار کرونا سے موت کا دعویٰ
ممبئی بم دھماکوں کے ملزم ،داؤد ابراہیم کے ساتھی یوسف میمن کی جیل میں ہوئی موت
داؤد ابراہیم کا بھارت میں پھر چرچا، بھارت سرکار نے بڑا قدم اٹھا لیا
دہلی سے مسلم نوجوان گرفتار،داؤد ابراہیم سے تعلق،پاکستان سے تربیت لی، دہلی پولیس کا دعویٰ
داؤد ابراہیم کی تلاش اوراسکی دولت کے بارے میں تحقیقات کیلیے آپریشن مزید تیز
واضح رہے کہ بھارت گزشتہ کئی سالوں سے داؤد ابراھیم کا سراغ لگانے میں مصروف ہے لیکن ممبئی میں اُسکا اثر رسوخ آج تک ختم نہیں کر سکا۔ اب برطانیہ سے مدد مانگی جا رہی ہے داؤد ابراھیم کے ایک قریبی جابر صدیق (موتی والا) پر گھیرا تنگ کرنے کے لئے، بھارت یہی سمجھتا ہے کہ داؤد پاکستان میں ہے۔
1993 میں ممبئی میں ہونے والے بم دھماکوں میں 257 افراد ہلاک اور تقریباً 700 سے زخمی ہوئے تھے. یہ بھارت کی تاریخ میں سب سے زیادہ تباہ کن مربوط بم دھماکے تھے۔ خیال ظاہر کیا جاتا ہے کہ یہ بم دھماکے داؤد ابراہیم کے حکم سے یا امداد سے اس کے کارندے ٹائیگر میمن نے کیے۔
بھارت عدالت عظمیٰ نے اس مقدمہ کے 20 سال بعد اپنا فیصلہ 21 مارچ 2013 کو دیا۔ تاہم، مقدمہ کے دو اہم ملزمان داؤد ابراہیم اور ٹائیگر میمن ابھی تک گرفتار نہیں کیے گئے۔ مہارشٹرا حکومت نے یعقوب میمن (ٹائیگر میمن کا بھائی) کو اس کی 53 ویں سالگرہ کے دن 30 جولائی 2015ء کو پھانسی دینے کا ارادہ کیا، یعقوب میمن نے رحم کی درخواست دی،مگر اسے رد کر دیا گیا۔ یعقوب کو 30 جولائی 2015 کو مہاراشٹر کے يروڈا جیل میں پھانسی دی گئی تھی
یہ بم دھماکے سنہ 1992 میں بابری مسجد کے انہدام کے بعد ممبئی میں ہونے والے مسلم مخالف فسادات کے بعد ہوئے تھے جس میں ایک ہزار سے زیادہ مسلمان شہید ہوئے تھے۔فسادات کے رد عمل میں ہونے بم دھماکوں کا مقدمہ تو اپنے انجام کو پہنچا اور لوگوں کو سزائیں بھی ہوئیں لیکن ان فسادات کے دوران ایک ہزار افراد کو قتل کرنے والوں میں سے آج تک کسی کو سزا نہیں ہوئی ہے
