ڈپٹی کمشنر نبیلہ عرفان نے کہا کہ ممبران ہیلتھ کونسل ڈی ایچ کیو ہسپتال کو درپیش مسائل کی جانب بھی خصوصی توجہ دیں

نارووال۔(نمائندہ باغی ٹی وی)ڈپٹی کمشنر نبیلہ عرفان نے کہا ہے کہ شہریوں کو طبی سہولیات کی فراہمی کو یقینی بنانے کے ساتھ ساتھ ممبران ہیلتھ کونسل ڈی ایچ کیو ہسپتال کو درپیش مسائل کی جانب بھی خصوصی توجہ دیں،ڈی ایچ کیو میں سرکاری مشینری کو فوری طورپر فنکشنل کیاجائے،مریضوں کے علاج معالجے میں درہیش رکاوٹوں کو دور کیا جائے،ہسپتال کی سیکورٹی کو بہتر بنایاجائے،آپ گریڈیشن کے حوالے سے جاری اقدامات کو بروقت مکمل کیا جائے۔

انہوں نے یہ بات ڈسٹرکٹ ہیلتھ کونسل کے اجلاس کی صدارت کرتے ہوئے کہی۔اجلاس میں ایڈیشنل ڈہٹی کمشنر فنانس اینڈ پلاننگ عمر فاروق وڑائچ،اے سی ایچ آر ایم محمد اکرم بھٹی،سی ای او ہیلتھ ڈاکٹر خالد جاوید،ڈی ایچ او ڈاکٹر محمد طارق،ایم ایس ڈاکٹر فیصل اسحاق،سینئر میڈیکل آفیسر ڈاکٹر محمد افضال راجپوت،ایڈمن آفیسر محمدناصر،سب انجیئر بلڈنگ ناصر حسین ودیگر افسران نے شرکت کی۔

اجلاس میں ڈاکٹر محمد افضال نے ڈپٹی کمشنر نبیلہ عرفان کو ڈی ایچ کیو ہسپتال میں آپ گریڈیشن کے حوالے سےجاری اقدامات ودیگر مسائل کے بارے تفصیل سے آگاہ کیا۔

محمد عارف راشد باغی ٹی وی نارووال