بھارت : ڈاکٹرز نے نوجوان کے یورینری بلیڈر سے 1کلو وزنی پتھری نکال دی

ممبئی:سرجن اور ان کی ٹیم نے آپریشن کر کے کولکتہ کے رہائشی 17 سالہ نوجوان کے مثانے سے ناریل کے سائز کی ایک کلو وزنی پتھری نکال دی۔

باغی ٹی وی : ہندوستان ٹائمز کے مطابق ممبئی میں 17 سالہ نوجوان کو تشویشناک حالت میں اسپتال لایا گیا تھا، نوجوان پیٹ میں درد کے باعث تڑپ رہا تھا۔ الٹراساؤنڈ میں مثانے میں وزنی پتھری کی تشخیص پر فوری طور پر دو آپریشن کرنے کا فیصلہ کیا گیا۔

کلکتہ سے تعلق رکھنے والے نوجوان کے اہل خانہ نے آپریشن کے اخراجات کے لیے پیسے نہ ہونے پر تاخیر کرنا چاہی جس سے نوجوان کی جان بھی جا سکتی تھی تاہم رحمدل سرجن راجیو ریڈکر نے دونوں آپریشن مفت میں کرکے نوجوان کی جان بچالی چونکہ لڑکا یتیم ہے ، اس لئے یہ سرجری شفقت کی بنیاد پر مفت کی گئی۔

میڈیکل ہسٹری کے مطابق نوجوان پیدائش کے وقت ہی تشویشناک حالت میں پیدا ہوا تھا اور 17 سالہ کے دوران متعدد مرتبہ اسپتال میں زیر علاج رہا تاہم اس بار اسپتال لایا گیا تو مثانے کی پتھری ایک کلو وزنی ہو چکی تھی۔