شہرہ آفاق تُرک سیریز ارطغرل غازی کے مرکزی کردار انجین التان کو اسلام آباد بلیو ورلڈ سٹی کا برانڈ ایمبسیڈر مقرر کیا گیا ہے اس کے بارے خبریں گردش میں ہیں کہ مذکورہ سوسائٹی راولپنڈی ڈویلپمنٹ اتھارٹی کی جانب سے غیر قانونی قرار دی گئی تھی –

باغی ٹی وی : ارطغرل غازی سے شہرت پانے والے ترک اداکار انجین التان اب پاکستان میں بھی مقبول ہو چکے ہیں جس کے باعث پاکستان میں مقبولیت کو دیکھتے ہوئے انہیں یہاں بھی کام کرنے کی پیشکش ہو رہی ہیں-

تُرک اداکار انجین التان کو راولپنڈی میں قائم بلیو ورلڈ سٹی نام کی ہاﺅسنگ سوسائٹی کے وہ براینڈ ایمبیسڈر مقرر ہو گئے ہیں اور جلد ہی پاکستان کا دورہ بھی کرنے والے ہیں انجین التان کے نجی سوسائٹی کے ساتھ معاہدے پر دستخط ہوگئے ہیں یہ خبریں بھی سامنے آرہی ہیں کہ انہیں پاکستانی سفارت خانے کی جانب سے ویزہ جاری کردیا گیا ہے اوراداکار رواں ماہ پاکستان کا دورہ کریں گے –

اس خبر پر پاکستانی مداح خوش بھی ہیں جبکہ کچھ صارفین اس ہاﺅسنگ سوسائٹی پراجیکٹ کو لے کر ہی نا خوش ہیں اور اسے تنقید کا نشانہ بناتے ہوئے دکھائی دیئے لیکن اب سوسائٹی کی جانب سے تنقید کرنے والوں کو خبردار کردیا گیاہے کہ وہ اس کے خلاف قانونی چارہ جوئی بھی کر یں گے ۔

سماجی رابطے کی ویب سائٹ ٹویٹر پر ایک بابر راجپوت نامی صارف نے ریئل سٹیٹ برانڈ کی جانب سے اخبارات میں جاری کر دہ اشتہار کی تصویر شیئر کی اور ساتھ پیغام جاری کرتے ہوئے لکھا کہ انجین کوبلیو ورلڈ سٹی کا برانڈ ایمبسیڈر مقرر کر دیا گیاہے جو کہ راولپنڈی ڈویلپمنٹ اتھارٹی کی جانب سے غیر قانونی قرار دی گئی تھی ۔

Ertuğrul star Engin Altan Düzyatan appointed brand ambassador for Blue World City housing scheme, which was declared illegal by the Rawalpindi Development Authority. Text and pic via @faraz_lhr https://t.co/vkdc548NCI pic.twitter.com/i6Ts2hqV8g pic.twitter.com/NferUtSbDe

— Babar Raajput (@baberbhatti1) September 2, 2020

بابر راجپوت صارف کی جانب سے انگیر یزی ویب سائٹ دی نیوز کی ایک خبر کا لنک بھی شیئر کیا گیا جس میں بتایا گیا کہ راولپنڈی ڈویلپمنٹ اتھارٹی کی جانب سے پنجاب پرائیویٹ ہاﺅسنگ سکیم اور لینڈ سب ڈیویژن رولز 2010 کے سیکشن کے تحت پانچ غیر قانونی ہاﺅسنگ سکیمز کے مالکان کو نوٹسز جاری کئے ان ہاﺅسنگ سکیمز میں بلیوورلڈ سٹی کا نام بھی شامل تھا ۔

An easy way to make a shitty housing society famous is by signing Ertugrul star as your brand ambassador. pic.twitter.com/6Eiz3rSXNY

— Ahsan Hamid Durrani (@Ahsan_H_Durrani) September 2, 2020

احسن حامد درانی نامی صارف نے بھی سوسائٹی کے ارطغرل کو برانڈ ایمبسیڈر بنانے پر تنقید کرتے ہوئے کہا کہ ہاوسنگ سوسائٹی کو مشہور کرنے کا ایک آسان طریقہ یہ ہے کہ ارطغرل کو برانڈ ایمبسیڈر بنانے کے گن گائے جائیں-

سوسائٹی کے چیف ایگزیکٹو آفیسر چوہدری نعیم اعجاز نے تنقید اور مبینہ افواہیں پھیلانے والوں کے خلاف قانونی چارہ جوئی کرنے کا اعلان کر دیاہے انہوں نے کہا کہ یہ منفی کمنٹس اور کچھ نہیں بس صرف جھوٹے الزامات ہیں جو کہ پاکستان کی ساکھ کو نقصان پہنچانے کیلئے لگائے جارہے ہیں ہم اس پر قانونی چارہ جوئی شروع کرنے جارہے ہیں-

واضح رہے کہ تُرک ڈرامہ سیریز ’ارطغرل غازی‘ میں ارطغرل کا مرکزی کردار ادا کرنے والے تُرک اداکار انجین التان اسلام آباد کی نجی ہاؤسنگ سوسائٹی کے برانڈ ایمبیسڈر مقرر ہو گئے ہیں اداکار جلد پاکستان آئیں گے اور نجی سوسائٹی میں قائم بلیو مسجد کا افتتاح بھی کریں گے یہ مسجد سلطان احمد مسجد کی طرز پر بنائی جائے گی جو کہ استنبول میں قائم ہے ۔

اس خبر کی تصدیق انجین التان نے بھی سوشل میڈیا ویب سائٹ فیس بُک پر جاری ویڈیو پیغام جاری میں کرتے ہوئے کہا تھا کہ میں اسلام آباد کی نجی ہاؤسنگ سوسائٹی بلیو ورلڈ سٹی کے برانڈ ایمبیسڈر مقرر ہونے پر خوشی کا اظہار کرتے ہوئے کہا کہ میں پاکستان میں بلیو ورلڈ سٹی کو اپنا نیا گھر سمجھتا ہوں –

تُرک اداکار نے اپنے ویڈیو پیغام میں کہا کہ میں جلد پاکستان کا دورہ کرنے کا ارادہ رکھتا ہوں آپ سب سے جلد ملاقات ہوگی۔

واضح رہے کہ دنیا کے متعدد ممالک میں نشر ہونے کے بعد اب یہ پاکستان ٹیلی ویژن (پی ٹی وی ) یکم رمضان سے پاکستانی وزیراعظم عمران خان کی ہدایت پر نشر کیا جارہا ہے مذکورہ سیریزاور اس کی کاسٹ بالخصوص مرکزی کردار پاکستان میں مقبولیت کے نئے ریکارڈز قائم کرچکے ہیں اس ڈرامے کی مقبولیت کو دیکھتے ہوئے اس کی مرکزی کردار حلیمہ سلطان کا کردار ادا کرنے والی ترک اداکارہ ایسرا بلجیک بھی پاکستانی برانڈز کی ایمبیسڈر بن چکی ہیں۔