فیفا ورلڈکپ 2022، لوگو کی رونمائی کردی گئی

دوحہ : کرکٹ کے بعد اب فٹ بال کی خبروں نے کھیل اور تفریح کے شوقین لوگوں کے لیے کھیل کے میدان سے ایک تازہ خبر دے کر خوش کردیا ہے ، اطلاعات کے مطابق قطرنے فٹبال ورلڈکپ 2022 کے لوگو کی رونمائی کردی۔

فیفا 2022 لوگوکو عرب ممالک کی روایتی وولن شال اورآٹھ کے ہندسے کے ساتھ تشبیہہ دی گئی ہے۔ انتظامیہ کا کہنا ہے وولن شال عرب ممالک کی ثقافت میں شامل ہے جبکہ آٹھ کا ہندسہ اس لیے شامل کیا گیا کیوں کہ ورلڈکپ کے میچز آٹھ اسٹیڈیمز میں کھیلے جائیں گے۔فٹ بال ورلڈکپ 21نومبر2022سے 18دسمبر2022تک قطرمیں کھیلا جائے گا۔