صوفیہ مرزا بچے حوالگی کیس، ایف آئی اے کو بچیوں کی واپسی کیلئے ٹیم تشکیل دینے کا حکم

صوفیہ مرزا بچے حوالگی کیس، ایف آئی اے کو بچیوں کی واپسی کیلئے ٹیم تشکیل دینے کا حکم
سپریم کورٹ میں اداکارہ صوفیہ مرزا کی بچیوں کی حوالگی کے کیس میں سیکریٹری خارجہ سہیل احمد سپریم کورٹ میں پیش ہوگئے،

عدالت نے ایف آئی اے کو بچیوں کی واپسی کیلئے ٹیم تشکیل دینے کا حکم دیا اور کہا کہ پیر تک وزارت خارجہ، داخلہ، ایف آئی اے بچیوں کی واپسی کا مکمل لائحہ عمل تیار کرکے پیش کریں جسٹس مقبول باقر کی سربراہی میں 3 رکنی بینچ نے اداکارہ صوفیہ مرزا کی بچیوں کی حوالگی کے کیس کی سپریم کورٹ میں سماعت کی، عدالت نے سیکریٹری خارجہ سہیل احمد سے سوال کیا کہ وزارت خارجہ بچیوں کی واپسی اور عوامی فلاح کے کاموں میں کیوں ہچکچاہٹ کا شکار ہے؟

سپریم کورٹ نے ریمارکس دیئے کہ جن افسران نے بچیوں کی 12 سال سے واپسی پر غفلت برتی ان کی نشاندہی کریں ،سیکریٹری خارجہ نے بتایا کہ یو اے ای میں متعلقہ حکام سے بچیوں کی حوالگی کے معاملے پر رابطے میں ہیں، جسٹس مقبول باقر نے کہا کہ متحدہ عرب امارات سے تو ہمارے نام نہاد برادرانہ تعلقات ہیں جسٹس مقبول باقر نے ریمارکس دیئے کہ کس قدر شرم کی بات ہے کہ ہم اتنے نااہل، نالائق اور پتھردل لوگ ہیں،ہم یواے ای کی اتنی خدمت کرتے ہیں، بچیاں واپس نہیں لاسکتے، نام لینا نہیں چاہتا لیکن کیسے کیسے لوگ ہمارے سروں پر پیر رکھ کر بیٹھے ہیں

جسٹس مقبول باقر نے کہا کہ پوری دنیا میں پاکستان کا مذاق اڑتا ہے، بھارت بھی تیسرے درجے کا ملک ہے مگروہ اپنے شہریوں کیلئے دوسرے ملکوں کا کیا حشرکرتا ہے۔انہوں نے کہا کہ بچیوں کی واپسی کیلئے کیے گئے تمام دعوے کھوکھلے اور بے بنیاد ہیں، سیکریٹری صاحب آپ سینئر بیوروکریٹ ہیں مگرلگ رہا ہے یہاں محض خانہ پُری کرنے آئے ہیں،ہمیں امید تھی کہ آپ بتائیں گے کس قانون کے تحت بچیاں واپس آسکتی ہیں۔سیکریٹری خارجہ نے بتایا کہ وزارت خارجہ صرف رابطے کا ایک ذریعہ ہے، سفارتی سطح پر متحدہ عرب امارات سے کل بھی اجلاس کیا،جسٹس مقبول باقر نے سوال کیا کہ متحدہ عرب امارات کے حکام سے اجلاس میں کیا طے ہوا؟ انٹرپول سے بچیوں کی واپسی پر کیا پیشرفت ہوئی؟ڈی جی ایف آئی اے نے کہا کہ انٹرپول صرف لوکیشن معلوم کرسکتا ہے، ذاتی طور پر سمجھتا ہوں کہ بچیوں کی واپسی نہ ہونے میں وزارت خارجہ و داخلہ دونوں کی نااہلی تھی۔

اداکارہ صوفیہ مرزا نے عدالت سے استدعا کہ کہ بچیوں کی واپسی کیلئے ٹیم تشکیل دے کر یو اے ای بھجوائی جائے،ڈی جی ایف آئی اے نے بتایا کہ ٹیم تشکیل دے دی ہے حکومت سے اپروول کے منتظر ہیں ٹیم پہلے بھی گئی تھی عدالتی حکم کے باوجود یو اے ای نے بچیوں کی حوالگی نہیں دی جسٹس مقبول باقر نے ریمارکس دیئے کہ وہ غیرمہذب لوگ ہیں، انہیں عدالتی حکم سے کیا لینا دینا۔ عدالت نے بچیوں کی واپسی کا مکمل لائحہ عمل تیار کرکے پیش کرنے کے ساتھ ہی سماعت 21 فروری تک ملتوی کردی

ڈائریکٹرایف آئی اے کی صوفیہ مرزا کی بچیوں کی بازیابی کے لیے اقدامات کی یقین دہانی

اداکارہ صوفیہ مرزا نے دوران سماعت ایسا الزام لگایا کہ عدالت نے کیس سننے سے معذرت کر لی

سپریم کورٹ نے اداکارہ صوفیہ مرزا کے بچوں کے اغواء کی پیشرفت رپورٹ طلب کر لی-

صوفیہ مرزا اپنے یوٹیوب چینل پر نئے پروگرام میں اپنی بہن مریم مرزا کے ہمراہ نظر آئیں گی

صوفیہ مرزا بالوں کی حفاظت کس طرح کرتی ہیں ؟ انہوں نے آسان ٹپس بتا دیں،

صوفیہ مرزا کے چاہنے والوں نے توحد ہی کردی،

اداکارہ و ماڈل صوفیہ مرزا کا کہنا ہے کہ معاشرے میں لڑکیوں کا بھی حق ہے کہ انہیں لڑکوں کے برابر حقوق ملیں-

ے بنیاد اور وحشیانہ قتل کب بند ہوں گے:صوفیہ مرزا بھی چُپ نہ رہ سکیں‌

پیٹ کیسے کم کرنا ہے؟صوفیہ مرزا نے آسان حل بتادیا 

صوفیہ مرزا کی بچیوں کی حوالگی کا کیس،سپریم کورٹ وزارت خارجہ پر برہم