شہبازگل کے ڈرائیور کے بھائی کی عبوری ضمانت منظور
بغاوت مقدمے میں شہباز گِل کے جسمانی ریمانڈ کی اپیل پر سماعت ہوئی، سیشن کورٹ اسلام آباد کی جج نے ریمارکس دیتے ہوئے کہا کہ تفتیشی ریکارڈ بھی دیکھنے کی ضرورت ہے، وکیل شعیب شاہین نے کہا کہ جوڈیشل مجسٹریٹ نے جسمانی ریمانڈ مسترد کر دیا تھا ایڈیشنل سیشن جج نے شہباز گل کو نوٹس جاری نہیں کیا تھا، پراسیکیوٹر نے کہا کہ عدالت اِن کو نوٹس جاری کر دے اور کل فریقین کے دلائل سن لے،یہ کل عدالت کو کہیں گے کہ ابھی نوٹس نہیں ہوئے پہلے جاری کریں ، ہائیکورٹ نے لکھا کہ ضرورت ہو تو ملزم کو جسمانی ریمانڈ پر پولیس کے حوالے کیا جائے،
جج زیبا چودھری نے استفسار کیا کہ کون سی ایسی چیزیں ہیں جن کی مزید تفتیش کی ضرورت ہے؟ پراسیکیوٹر رضوان عباسی نے کہا کہ قانون میں 15 دن کے ریمانڈ کی گنجائش موجود ہے، شہباز گِل کا صرف دو دن کا جسمانی ریمانڈ دیا گیا، نتیجے تک پہنچنے کیلئے بہت سے پہلوؤں پر تفتیش کی ضرورت ہے،ٹرانسکرپٹ کہاں تیار ہوا اور کس نے کیا،ان پہلوؤں کو مدنظر رکھے بغیر فیصلہ دیا گیا، جوڈیشل مجسٹریٹ نے محض ایک پہلو کو دیکھتے ہوئے فیصلہ دیدیا،موبائل ڈرائیور کے پاس ہونے کے بیان پر شہبازگل کی جسمانی ریمانڈ کی استدعا مسترد کر دی گئی، عدالت نے شہباز گل کو نوٹس جاری کرتے ہوئے سماعت کل تک ملتوی کر دی شہباز گل کے مزید جسمانی ریمانڈ کی اپیل پر نوٹس جاری کرتے ہوئے عدالت نے دلائل طلب کر لئے
قبل ازیں اسلام آباد ڈسٹرکٹ سیشن عدالت،شہباز گِل کی ضمانت کی درخواست پر سماعت میں وقفہ کر دیا گیا ،پراسیکیوٹر نے کہا کہ اسلام آباد ہائی کورٹ نے جسمانی ریمانڈ کا معاملہ دوبارہ سیشن عدالت کو بھیج دیا ،ابھی تحریری حکم نامہ موصول نہیں ہوا، جج نے ریمارکس دیتے ہوئے کہا کہ جب تک اسلام آباد ہائیکورٹ کا تحریری حکم نہیں آتا سماعت نہیں کر سکتی، تحریری حکم نامہ آئیگا اسکے بعد ملزم کے وکلا کو سنا جائیگا
دوسری جانب سیشن کورٹ اسلام آباد میں شہبازگل کے ڈرائیور کے بھائی کی عبوری ضمانت منظور کر لی گئی ہے ملزم کو 50 ہزار روپے مچلکوں پر ضمانت قبل از گرفتاری 30 اگست تک منظور کی گئی ہے، وکیل نے کہا کہ ملزم عدالت کے ساتھ مکمل تعاون کرنے کے لیے تیارہیں، سیشن کورٹ اسلام آبا نے پراسیکیوشن کو نوٹسز جاری کردیئے شہبازگل کے ڈرائیور کے بھائی پر پولیس پر حملہ آور ہونے کا الزام ہے
واضح رہے کہ شہباز گل کو اسلام آباد پولیس نے گرفتار کیا ہے، ،اسلام آباد پولیس کا کہنا ہے کہ شہباز گل کو گرفتار کیا گیا ہے ، شہباز گل کے خلاف اداروں کیخلاف بیان بازی اور عوام کو اداروں کیخلاف اکسانے پر بغاوت کا مقدمہ درج کیا گیا ہے،
سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام
عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش
شہباز گل کی گرفتاری، پی ٹی آئی کے ڈنڈا بردار کارکن بنی گالہ پہنچ گئے
شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا
