گورنر خیبر پختونخوا فیصل کریم کنڈی نے کہا ہے کہ 11 ممالک کے سفارتکاروں کی حفاظت پر مامور اہلکاروں پر حملہ تشویشناک ہے
گورنر خیبر پختونخوا فیصل کریم کنڈی نے سوات میں پولیس وین پر دہشت گردوں کے حملے کی مذمت کرتے ہوئے واقعہ پر دکھ اور افسوس کا اظہار کیا اور کہا کہ سوات میں پولیس قافلے پر حملے کی شدید مذمت کرتے ہیں، اس عمل سے خیبر پختون خوا کے سفارتی طور پر تنہا ہونے کا خطرہ ہے، یہ واضح ہے کے پی حکومت قیام امن کی کوششوں میں مخلص نہیں، صوبائی حکومت کی بےعملی دہشت گردوں کی حوصلہ افزائی کر رہی ہے، دہشت گردوں کا یہ حملہ پاکستان اور اسلام دشمنوں کی بڑی سازش کا حصہ ہے، زخمی اہلکاروں سے اظہار یکجہتی کرتا ہوں، متاثرین کے اہلخانہ کے غم میں شریک ہوں، حکومت کی نااہلی اور غفلت کے باعث خدشات ناقابل برداشت ہوتے جا رہے ہیں، صوبائی حکومت صرف بیان بازی کر رہی ہے، حقیقی کارروائی نظر نہیں آ رہی،ہم امن و استحکام کے لیے آواز اٹھاتے رہیں گے۔
واضح رہے کہ گزشتہ روز سوات میں مالم جبہ روڈ پر 12 ممالک کے سفارتکاروں کے قافلے پر دہشتگردوں نے حملہ کیا،جس میں روس،ایران،انڈونیشیا سمیت 12 ممالک کے سفیر شامل تھے،تمام سفیر محفوظ ہیں اسلام آباد پہنچ گئے،جبکہ صوبائی حکومت تاحال سورہی ہے،
سماجی رابطے کی ویب سائٹ ایکس پر ایک صارف محمد آصف کہتے ہیں کہ خیبر پختونخوا میں اس وقت علی امین گنڈاپور کی حکومت ہے اور حالات اتنے نازک ہیں کہ آج سوات میں دہشت گردی کے ایک بڑے واقعے میں پولیس والوں نے اپنی جان پر کھیل کر قافلے میں موجود غیر ملکی مہمان سفیروں کی حفاظت کی۔ اس دوران ایک پولیس والا شہید بھی ہوا جبکہ کئی زخمی بھی ہوئے۔ صوبے کے وزیر اعلیٰ ہونے کی حیثیت سے، صوبے کا سربراہ ہونے کی حیثیت سے، اور عوام کی عزت اور جان و مال کی حفاظت کی ذمہ دار ہونے کی حیثیت سے، کیا علی امین گنڈاپور کی یہ ذمہ داری نہیں بنتی تھی کہ وہ اپنی باقی مصروفیات کو بالائے طاق رکھتے ہوئے زخمی پولیس والوں کی عیادت کے لیے جاتے اور ان کی ہمت اور حوصلہ افزائی کرتے؟ یہ خیبر پختونخوا حکومت کی بے حسی اور نااہلی کا منہ بولتا ثبوت ہے، جبکہ عوام کو ملنے والی بدقسمتی اور شاید ان کے گناہوں کی سزا ہے کہ اللہ نے ان پر ایسے حکمران مسلط کیے ہیں۔اب بھی خیبر پختونخوا کی عوام کو چاہیے کہ وہ جاگ جائیں اور اپنے حق کے لیے کھڑے ہوں۔ اپنے صوبے کے وزیر اعلیٰ سے یہ سوال کریں کہ ہمارے لیے حقیقی فلاح و بہبود کے منصوبے شروع کرنے کی بجائے ان کی توجہ غیر سنجیدہ کاموں پر کیوں ہے؟ جلسے جلوسوں کی بجائے تعمیری مسائل اور فلاح و بہبود کے منصوبے آپ کی ترجیحات میں کیوں شامل نہیں؟
خیبر پختونخوا میں اس وقت علی امین گنڈاپور کی حکومت ہے اور حالات اتنے نازک ہیں کہ آج سوات میں دہشت گردی کے ایک بڑے واقعے میں پولیس والوں نے اپنی جان پر کھیل کر قافلے میں موجود غیر ملکی مہمان سفیروں کی حفاظت کی۔ اس دوران ایک پولیس والا شہید بھی ہوا جبکہ کئی زخمی بھی ہوئے۔ صوبے کے… pic.twitter.com/9i5bCAAwOM
— Muhammad Asif (Parody) (@MuhammadAsif26_) September 23, 2024
واضح رہے کہ گزشتہ روز مالم جبہ کے قریب پولیس وین پر ہونے والے ریموٹ کنٹرول بم دھماکے کے نتیجے میں ایک پولیس اہلکار شہید ہوگیا۔ یہ واقعہ اس وقت پیش آیا جب ایک گروپ سفارتکار سوات اور مالم جبہ کے دورے کے بعد اسلام آباد واپس آرہا تھا۔ترجمان دفتر خارجہ نے اس واقعے پر اپنے بیان میں کہا کہ دھماکے کی زد میں آنے والی پولیس گاڑی کو آئی ای ڈی کے ذریعے نشانہ بنایا گیا۔ انہوں نے شہید پولیس اہلکار کے خاندان اور زخمیوں کے ساتھ اپنی ہمدردی کا اظہار کیا۔ترجمان نے مزید کہا کہ قانون نافذ کرنے والے ادارے اپنی جانوں کی قربانی دے کر دہشت گردی کے خلاف لڑائی میں ثابت قدم ہیں۔ انہوں نے ان اداروں کو خراج تحسین پیش کرتے ہوئے کہا کہ ایسے واقعات پاکستان کو دہشت گردی کے خلاف جدوجہد کے عزم سے نہیں روک سکتے۔سفارتکاروں کے گروپ کی محفوظ واپسی کے بعد ترجمان نے یہ بھی واضح کیا کہ پاکستان کے عزم میں کوئی کمی نہیں آئے گی اور حکومت ہر صورت میں دہشت گردی کے خلاف کاروائی جاری رکھے گی۔
یہ حملہ خیبر پختونخوا کے اس علاقے میں ہوا جو ماضی میں دہشت گردی اور شورش کا شکار رہا ہے، لیکن حالیہ سالوں میں امن کی بحالی کے بعد یہاں کے حالات بہتر ہوچکے ہیں۔ تاہم، اس واقعے نے علاقے میں سیکیورٹی چیلنجز کو دوبارہ اجاگر کیا ہے۔ حکومت اور پولیس حکام کا کہنا ہے کہ اس واقعے کی مکمل تحقیقات کی جائیں گی اور ذمہ داروں کو قانون کے کٹہرے میں لایا جائے گا۔ سوات اور مالم جبہ کی سڑکیں، جو سیاحتی مقاصد کے لیے اہم تصور کی جاتی ہیں، اس حملے کے بعد خصوصی سیکیورٹی اقدامات کا تقاضا کرتی ہیں تاکہ آئندہ ایسے واقعات سے بچا جاسکے اور خطے کی سیاحت اور معیشت متاثر نہ ہو.
آپریشن گولڈ سمتھ، اسرائیلی اخبار نے عمران خان کا "حقیقی چہرہ” دکھا دیا
اسرائیل نیازی گٹھ جوڑ بے نقاب،صیہونی لابی عمران کو بچانے کیلئے متحرک
عمران خان بطور وزیراعظم اسرائیل کے ساتھ سفارتی تعلقات قائم کرنے کیلئے تیار تھے،دعویٰ آ گیا
عمران خان اور پی ٹی آئی نے ملک دشمنی میں تمام حدیں پار کر دیں
امریکی ایوان نمائندگان میں قرارداد،پاکستان کے خلاف آپریشن گولڈ اسمتھ کی ایک کڑی
آپریشن گولڈ سمتھ کی کمر ٹوٹ گئی،انتشاری ٹولہ ایڑھیاں رگڑے گا
تحریک انصاف کی ملک دشمنی ایک بار پھر کھل کر سامنے آ گئی
14 سال سے خیبرپختونخوا میں پی ٹی آئی سرکار،اربوں بجٹ وصول،کارکردگی زیرو
عمران پر جیل میں تشدد ہوا،مجھے مرد اہلکار نے…بشریٰ بی بی نے سنگین الزام عائد کر دیا
عمران خان نے آخری کارڈ کھیل دیا،نواز شریف بھی سرگرم
پی ٹی آئی کی ڈیجیٹل دہشت گردی کا سیاہ جال،بیرون ملک سے مالی معاونت
اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک
