علم کی پیاس بجھانے کے لیے پنجاب پبلک لائبریری کا سیکنڈ کیمپس بنانے کا فیصلہ

لاہور : حکومت پنجاب نے علم کی پیاس بجھانے والوں کے لیے مزید آسانیاں پید اکردیں ،اس مقصد کے لیے پنجاب پبلک لائبریری کا سیکنڈ کیمپس بنانے کا فیصلہ، محکمہ آرکیالوجی نے سیکنڈ کیمپس کے نام سے نئی لائبریری بنانے کا منصوبہ تیار کیا۔ لائبریری میں جدید انٹرنیٹ اور آن لائن لائبریری کی تمام سہولتیں بھی میسر ہونگی۔

پنجاب حکومت کے ذرائع کے مطابق نئی لائبریری کے قیام کی منظوری سیکرٹری آرکائیو طاہر یوسف کی سربراہی میں ہونے والے اجلاس میں دے دی گئی ہے۔سیکرٹری آرکائیو طاہر یوسف کا کہنا ہے کہ محکمہ آرکائیو اینڈ لائبریری نے ایل ڈی اے کے ساتھ مل کر لاہور شہر میں لائبریری بنانے کے لئے چار مقامات کی نشاندہی کی ہے۔

ذرائع کے مطابق فیصلے کے مطابق ان چارمیں سے ایک مقام پر نئی لائبریری بنائی جائے گی، دس کنال رقبے پر محیط نئی لائبریری پر ستر کروڑ روپے لاگت آئے گی۔