ہالی ووڈ کی مشہور فلمیں جن کے سیلوئیل رواں برس ریلیز ہونگے

دسمبر 2019 میں چین کے شہر ووہان سے پھیلی عالمی وبا کورونا نے دنیا بھر میں تباہی مچائی تھی جس کی وجہ سے دیگر سرگرمیوں کے ساتھ دنیا بھر کی شوبز انڈسٹری بھی بند ہو گئیں تھیں فلمون کی ریلیز اور شوٹنگز منسوخ ہو گئیں تھیں جس میں ہالی ووڈ فلمیں شامل تھیں تاہم کوروناوبا میں کمی کی وجہ سے ایک مرتبہ پھر شوٹنگز کا سلسلہ شروع ہو گیا تھا اب پھر کورونا کی نئی لہر نے سر اٹھا لیا ہے جس کے بعد سے کئی ملکوں میں لاک ڈاؤں نافذ ہے-

باغی ٹی وی : تاہم امریکا کی فلم نگری میں مشہور فلموں کے دیگر سلسلوں یا سیکوئیل پر کام جاری ہے ان مشہور فلموں کے ریلیز کی اب تک مصدقہ تاریخیں درج کی گئی ہیں تاہم کورونا وبا کی وجہ سے تاریخ میں فرق ہوسکتا ہے۔

فاسٹ اینڈ فیوریئس 9:

پہلے اس کی تاریخ مئی 2020ء رکھی گئی تھی۔ پھر کہا گیا کہ یہ دو اپریل 2021ء کو ریلیز ہوگی اب اس فلم کی تاریخ 28 مئی 2021ء رکھی گئی ہے۔

اس بار اس فلم میں ون ڈیزل اور چارلیز تھیرون کے علاوہ ہیرن مائرن اور لیٹی اورٹِز بھی جلوہ گر ہیں۔ تھِرلر اور کار چیئرنگ کے شائقین اس فلم کے منتظر رہیں گے جبکہ اس مرتبہ مرکزی کردار نبھانے والے اداکار ون ڈیزل کا 10 سالہ بیٹا ونسنٹ بھی والد کے ساتھ فلم میں اداکاری کرتے ہوئے اپنا ڈیبیو کرے گا کنٹریکٹ میں سامنے آنے والی تفصیلات کے مطابق ونسنٹ کو ایک ہزار5 ڈالر فی دن معاوضہ بھی دیا گیا ہے۔

وینم2: لیٹ دیئر بی کارنیج

سونی مارول یونیورس کی فلم کا یہ پہلا سیکوئیل ہے یہ 25 جون 2021ء کو ریلیز کی جائےگی-فلم کے ہدایت کار اینڈی سرکس ہیں اور اس فلم کے پلاٹ کے متعلق کچھ معلوم نہیں ہوسکا۔ تجزیہ کاروں نے بھی اس کی درست پیشگوئی نہیں کی۔ پہلے اس فلم نے 856 ملین ڈالر کا منافع کمایا تھا تاہم نئی کاسٹ میں ٹام ہارڈی بطور ایڈی بروک یعنی وینم، مشیل ولیمز بطور این وایئنگ اور دیگر کردار جلوہ گر ہوں گے۔

مینیئنز: دی رائز آف گرو

مینیئنز کا سیکوئیل رواں برس جولائی میں سینماؤں کی زینت بنے گا اور 2015ء کے بعد دوبارہ کائل بالڈا اس کے ہدایت کار ہیں۔ مینیئنز کی دلچسپ زندگی اور خوبصورت مناظر کا ہر ایک کو انتظار ہے یہ جولائی 2021ء میں ریلیز کی جائے گی-

ٹاپ گن: میورک

ایک طویل عرصے بعد ٹاپ گن جیسی شاندار فلم کے سیکویئل کا انتظار کیا جارہا ہے۔ اس بار ’’ٹاپ گن: میورک‘‘ کے نام سے یہ ریلیز ہورہی ہے اور ہمارے پسندیدہ ہیرو ٹام کروز پیٹ میورک مچیل کے نام سے جلوہ گر ہوں گے ۔ دوسری جانب وال کِلمر بطور ایڈمِرل ٹام نمودار ہوں گے یہ فلم بھی 2 جولائی 2021ء میں پیش کی جائے گی-

اسپیس جیم: اے نیو لیگسی

اسے فلمی تاریخ کا اہم ترین سیکوئیل قرار دیا جارہا ہے۔ لونی ٹیونز سلسلے کی یہ فلم 16 جولائی 2021ءمیں ریلیز ہوگی ۔ اس بار مائیکل جورڈن کی بجائے اس میں لی برون جیمز مرکزی کردار ادا کررہے ہیں۔

مشن امپاسیبل 7

اپنے وقت کی بہترین ایکشن سیریز جس کا نام سنتے ہی اس کا میوزک خیالوں میں جاری ہوجاتا ہے۔ 19 نومبر 2021ء کو اس سیریز کی ساتویں فلم سینما گھروں کی زینت بنے گی۔ جس میں ٹام کروز، ربیکا فرگیوسن اور وینیسا کِربی شامل ہیں۔

میٹرکس فور

تاریخ کی غیر معمولی فلم میٹرکس کا ایک عرصے سے انتظار کیا جارہا تھا۔ اس بار ہدایت کاری کے کمالات لانا وچووسکی نے دکھائے ہیں اور 18 برس پہلے کی ہی کہانی آگے بڑھائی جائے گی۔ نیو ہمارے جانے پہچانے ہیرو ہوں گے یعنی کیانو ریوز تاہم اس میں پریانکا چوپڑا بھی جلوہ گر ہورہی ہیں اس فلم کو 21 مئی 2021ء کو ریلیز کیا جانا تھا جوکورونا کی وجہ سے اب 22 دسمبر 2021ء میں ریلیز ہوگی۔

ٹام کروز نے حقیقی زندگی میں بھی مشن امپا سیبل کو پوسیبل بنادیا

’ فاسٹ اینڈ فیوریس 9‘ کی ریلیز کی حتمی تاریخ سامنے آ گئی