عمران خان کے 9 حلقوں سے الیکشن لڑنے کے خلاف درخواست،عدالت کا حکم آ گیا

باغی ٹی وی کی رپورٹ کے مطابق لاہور ہائیکورٹ نے عمران خان کے 9 حلقوں سے الیکشن لڑنے کے خلاف درخواست واپس لینے کی بناء پر مسترد کر دی

لاہور ہائیکورٹ کے سنگل بنچ نے شہری میاں آصف محمود کی درخواست پر سماعت کی وفاقی حکومت کی جانب سے ڈپٹی اٹارنی جنرل اسد علی باجوہ عدالت میں پیش ہوئے ، وکیل درخواست گزار نے عدالت میں موقف اپنایا کہ عمران خان 9 حلقوں سے ضمنی الیکشن میں حصہ لینے کا اعلان کرچکے ہیں ، دنیا میں کسی جگہ ایسا نہیں ہوتا کہ کوئی امیدوار ایک سے زیادہ حلقوں سے الیکشن لڑے

دوران سماعت عدالت نے ریمارکس دیتے ہوئے کہا کہ یہ تو اخباری رپورٹ ہے کہ عمران خان الیکشن میں حصہ لے رہے ہیں بتائیں کیا عمران خان نے کسی حلقہ سے کاغذات نامزدگی جمع کروائے ہیں ابھی تو یہ پٹیشن قبل از وقت ہے کیا یہ درخواست آپ واپس لینا چاہتے ہیں یا عدالت اس پر میرٹ پر فیصلہ کر دے ، وکیل درخواست گزار نے عدالت میں کہا کہ میں یہ درخواست واپس لے لیتا چایتا یوں

وکیل درخواستگزار نے موقف اپنایا تھا کہ عمران خان ایم این اے ہوتے ہوئے الیکشن میں حصہ نہیں لے سکتے ماضی میں عمران خان، بلاول بھٹو اور علیم خان نے ایک سے زیادہ حلقوں سے الیکشن میں حصہ لیا درخواستگزار نے عدالت سے استدعا کی کہ رولز میں ترمیم کر کے ایک شخص کو ایک ہی نشست سے الیکشن لینے میں حصہ لینے کا پابند کیا جائے، عمران خان کو 9 نشستوں پر ضمنی انتخابات میں حصہ لینے سے روکا جائے

جن نو حلقوں میں ضمنی الیکشن ہوں گے ان علاقوں میں این اے 22 مردان، این اے 24 چارسدہ، این اے 31 پشاور،این اے 45 کرم، این اے 108 فیصل آباد، این اے 118 ننکانہ صاحب، این اے 237 ملیر، این اے 239 کورنگی کراچی، این اے 246 کراچی جنوبی شامل ہیں۔

خیال رہے کہ پاکستان تحریک انصاف کے چیئر مین نے 2018ء کے جنرل الیکشن میں پانچ حلقوں سے الیکشن میں حصہ لیا تھا اور پانچوں سیٹیں میں کامیابی حاصل کی تھی۔

2018ء کے جنرل الیکشن میں پاکستان تحریک انصاف کے چیئر مین عمران خان نے این اے 131 لاہور سے خواجہ سعد رفیق، این اے 53 اسلام آباد سے شاہد خاقان عباسی، این اے 243 سے ایم کیو ایم پاکستان کے سیّد علی رضا، این اے 95 میانوالی سے ن لیگ کے عبید اللہ خان، این اے 35 بنوں سے اکرم خان درانی کو شکست دی تھی۔

پی ٹی آئی کی 9 حلقوں بارے ضمنی الیکشن شیڈول فوری معطل کرنے کی استدعا مسترد کردی گئی ہے.

سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

شہباز گل کی گرفتاری، پی ٹی آئی کے ڈنڈا بردار کارکن بنی گالہ پہنچ گئے

شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا

نعرے ریاست مدینہ کےاورغلامی امریکہ کی واہ شہبازگل باجوہ