مودی کی امریکہ آمد، عمران خان نے ایسی کیا ہدایات جاری کیں کہ انڈیا میں پریشانی کی لہر دوڑ گئی؟

وزیر اعظم عمران خان نے پی ٹی آئی کے بین الاقوامی شعبہ جات کو ہدایات جاری کی ہیں کہ مودی کی امریکہ آمد بھرپور احتجاج کی تیاری کی جائے،

باغی ٹی وی کی رپورٹ کے مطابق پی ٹی آئی کے میڈیا ڈیپارٹمنٹ نے جاری کردہ اعلامیہ میں کہا ہے کہ ہندوستانی وزیر اعظم نریندر مودی کی امریکہ آمد پر شدید احتجاج کیا جائے گا، وزیراعظم عمران خان کا کہنا ہے کہ سفاک مودی سرکار تمام انسانی و بین الاقوامی قوانین و ضوابط روند رہی ہے اور کشمیریوں کو نشانہ ستم بنانے کی تیاریوں میں ہے،

پاکستان تحریک انصاف کے سیکرٹری او آئی سی ڈاکٹر عبداللہ ریاڑ نے پارٹی چیئرمین عمران خان سے ملاقات کی، اس دوران اقوام متحدہ کی جنرل اسمبلی اجلاس میں شرکت کیلئے نیو یارک آنے والے بھارتی وزیراعظم کیخلاف شدید رد عمل دینے کا فیصلہ کیا گیا ہے، تحریک انصاف کی جانب سے کہا گیا ہے کہ مقبوضہ کشمیر کی خصوصی حیثیت ختم کئے جانے، بھارتی قبضے اور اہل کشمیر پر ظلم کے خلاف آواز اٹھانے اور بھارتی وزیراعظم نریندر مودی کو بین الاقوامی سطح پر ٹف ٹائم دینے کا فیصلہ کرلیا گیا ہے،

وزیر اعظم نے جنرل اسمبلی کے اجلاس کے موقع پر بھارتی وزیراعظم کے خلاف بھرپور احتجاج کے لیے تیاریوں کی ہدایت کر دی ہے، عمران خان نے ہدایت کی ہے کہ تحریک انصاف نیویارک کشمیر میں بھارتی ظلم و دہشت گردی کے خلاف کمیونٹی اور انسانی حقوق کی تنظیموں کو متحرک کرے، ان کا کہنا تھا کہ سفاک مودی سرکار تمام انسانی و بین الاقوامی قوانین و ضوابط روند رہی ہے،

تحریک انصاف کے سیکرٹری او آئی سی ڈاکٹر عبداللہ ریاڑ نے وزیر اعظم عمران خان سے ملاقات کی، ملاقات میں کشمیر کی صورتحال پر بیرون ملک پاکستانیوں کے تاثرات اور حکومتی اقدامات پر بات چیت کی گئی، اس موقع پر وزیراعظم عمران خان کا کہنا تھا کہ سفاک مودی سرکار تمام انسانی و بین الاقوامی قوانین و ضوابط روند رہی ہے اور کشمیریوں کو نشانہ ستم بنانے کی تیاریوں میں ہے، سلامتی کونسل کی قراردادوں اور دو طرفہ معاہدوں کی موجودگی میں بھارت سرکار کے پاس کشمیر پر غاصبانہ قبضے کا کوئی جواز موجود نہیں، میں بطور سفیر مقبوضہ کشمیر کے عوام کی آواز دنیا کے ہر فورم پر اٹھاؤں گا،

وزیر اعظم عمران خان کی طرف سے ہندوستانی وزیر اعظم نریندر مودی کی امریکہ آمد پر ٹف ٹائم دینے کی خبروں‌ پر یقینی طور پر انڈیا میں بے چینی کی لہر پیدا ہو گئی ہے،