عمران خان کی زیر صدارت اجلاس، 15 یونیورسٹیوں کو بہترین جامعات کا درجہ دینے کی تجویز منظور

وزیراعظم عمران خان کی زیر صدارت اجلاس ہوا ہے جس میں‌ وزیراعظم ہاؤس میں انجینیرنگ وٹیکنالوجی یونیورسٹی کے قیام سے متعلق پیشرفت کا جائزہ لیا گیا، وزیراعظم نے 15 بڑی یونیورسیٹیز کو ایلیٹ اسٹیٹس دینے کی تجویز منظور کر لی،

باغی ٹی وی کی رپورٹ کے مطابق اجلاس میں نیشنل ہیومن ریسورسزڈیولپمنٹ پروگرام پر بھی تبادلہ خیال کیا گیا، وزیرسائنس و ٹیکنالوجی نے سائنسی و تکنیکی تعلیم سے متعلق وزارت کے اقدامات سے آگاہ کیا، ملک میں اسکالرشپ اسکیموں کو احساس پروگرام کے ساتھ منسلک ہونا چاہیے، اجلاس میں قومی سطح کی اسکالرشپ اسکیم پر بھی تفصیلی تبادلہ خیال کیا گیا اور کہا گیا کہ اسکالرشپ کےذریعےمستحق ،قابل طلباکوتعلیم مکمل کرنے کیلیےقابل بنایا جائے،

اجلاس کے دوران وزیر اعظم عمران خان نے ہدایات جاری کرتے ہوئے کہاکہ یونیورسٹیزاپنےتحقیقی کام کی بنیادپر کاروباری منصوبوں کاآغاز کریں، وزیراعظم کی زراعت کی ویلیوایڈیشن سےمتعلق مضامین کو ترجیح دینے کی ہدایت کی گئی، وزیراعظم کی طرف سے سائنسی وتحقیقی تعلیم میں وزارت سائنس اینڈٹیکنالوجی کی کاوشوں کی تعریف کی گئی،