کورونا کیسز میں اضافہ:اگرعوام الناس نے احتیاط نہ کی توپھرلاک ڈاون لگانا پڑے گا:این سی او سی

لاہور:کورونا کیسز میں اضافہ:اگرعوام الناس نے احتیاط نہ کی توپھرلاک ڈاون لگانا پڑے گا:ا طلاعات کے مطابق کورونا وبا سے نمٹنے کیلئے قائم نیشنل کمانڈ اینڈ آپریشن سینٹر (این سی او سی) نے کہا ہے کہ ضابطہ کار پر عمل نہیں کیا توپھر سے لاک ڈاؤن اور انڈسٹریز کو بند کرنا پڑسکتا ہے۔

وزیراعظم عمران خان کے معاون خصوصی برائے صحت ڈاکٹر فیصل سلطان کا کہنا تھا کورونا وبا دوبارہ سراٹھار ہی ہے، آئندہ دو ہفتوں میں خاص توجہ کی ضرورت ہے۔انہوں نے کہاکہ پابندیوں اور کاروبار بند کرنے سے بچنا ہے تو ضابطہ کار (ایس او پیز) پر سختی سے عمل کرنا ہوگا۔این سی او سی کے مطابق ضابطہ کار پر عمل نہیں کیا توپھر سے لاک ڈاؤن اور انڈسٹریز کو بند کرنا پڑسکتا ہے۔

دوسری جانب نیشنل کمانڈ اینڈ آپریشن سینٹر (این سی او سی) نے ملک میں کورونا کے بڑھتے کیسز اور اموات پر تشویش کا اظہار کیا ہے۔این سی او سی نے شادی ہالز، بازار، پبلک ٹرانسپورٹ، ریسٹورنٹس میں ضابطہ کار کی پابندی یقینی بنانے کی ہدایت کی ہے۔

خیال رہے کہ ملک میں ایک بار پھر کورونا سے اموات میں تیزی آرہی ہے اور گزشتہ 24 گھنٹوں میں مزید 19 افراد انتقال کر گئے ہیں۔پاکستان میں تقریباً ڈھائی ماہ بعد ایک روز کے دوران کورونا سے یہ سب زیادہ اموات ہیں۔