fbpx

انڈونیشیا میں زلزلے کے شدید جھٹکے، 2 افراد ہلاک، 15 زخمی،درجنوں گھر تباہ

جکارتا: انڈونیشیا کے جزیرے سماترا میں زلزلے کے شدید جھٹکےمحسوس ہوئے جس میں 2 افراد ہلاک، 15 زخمی اور درجن سے زائد گھر تباہ ہوگئے۔

باغی ٹی وی : عالمی خبر رساں ادارے کے مطابق ریکٹر اسکیل پر زلزلے کی شدت 5.9 ریکارڈ کی گئی امریکی جیولوجیکل سروے کے مطابق زلزلے کا مرکز جزیرے سماترا سے 43 کلومیٹر دور شمال مشرقی علاقے سائیبولگا میں 13 کلومیٹر کی گہرائی میں تھا۔

10 سالہ بچی سے زیادتی کرنیوالے شخص کو 142 سال قید کی سزا

زلزلے کے جھٹکے محسوس ہوتے ہی رہائشی گھروں سے نکل آئے اور میدان میں جمع ہوگئے۔ امدادی کاموں کے دوران دو آفٹر شاکس زلزلے کے جھٹکے محسوس ہوئے جن کی شدت 5.0 تھی۔

زلزلے میں 15 افراد زخمی ہوئے جن میں سے دو نے اسپتال پہنچ کر دم توڑ دیا جب کہ دیگر زخمیوں میں سے 4 کی حالت نازک ہونے کے سبب ہلاکتوں میں اضافے کا خدشہ ظاہر کیا جا رہا ہے۔ 20 گھر بھی مکمل طور پر تباہ ہوگئے۔

مقامی پولیس کے سربراہ جوہانسن سیانتوری نے بتایا کہ تروتنگ گاؤں میں حفاظت کی طرف بھاگتے ہوئے ایک 62 سالہ شخص دل کا دورہ پڑنے سے ہلاک ہو گیا۔

کابل، سکول میں دھماکہ،19 افراد کی موت،27 زخمی

حکام ابھی تک نقصان کی مکمل حد تک تحقیقات کر رہے ہیں نیشنل ڈیزاسٹر مٹیگیشن ایجنسی کی طرف سے جاری کردہ ایک فوٹیج میں کئی رہائشیوں کو ایک وین کے ذریعے ایک زخمی شخص کو ہسپتال منتقل کرتے ہوئے دکھایا گیا ہے-

واضح رہے کہ رواں برس فروری میں 6.2 شدت کے زلزلے میں 25 افراد جاں بحق اور 450 سے زائد زخمی ہوگئے تھے جب کہ گزشتہ برس جنوری میں اتنی شدت کے زلزلے میں 100 سے زائد جاں بحق اور 7 ہزار کے لگ بھگ زخمی ہوگئے تھے۔

ایران کا عراقی کردستان پرڈرون حملہ، 13افراد ہلاک متعدد زخمی