نائب وزیراعظم اور وزیر خارجہ اسحاق ڈار اور سیکرٹری خارجہ سائرس سجاد نے ایس سی او وزرائے خارجہ کونسل اور کرغزستان دورہ پر مشترکہ پریس کانفرنس کی ہے
اسحاق ڈار کا کہنا تھا کہ ایس سی او وزرائے خارجہ کونسل میں اجلاس میں شرکت کی،ایس سی او وزرائے خارجہ کونسل آف ہیڈز آف گورنمنٹ کے اجلاس کی تیاری تھی،کرغستان میں پاکستانی سفیر کو آستانہ جانے سے قبل ہی بشکیک دورہ سے آگاہ کیا تھا،کرغز وزیر خارجہ کو کہا تھا کہ میری بشکیک کا دورہ کیے بغیر تسلی نہیں ہو گی، کرغز وزیر خارجہ نے رات گئے کرغز صدر سے بات کر نے کے بعد بشکیک جانے کا کہا، کرغز وزیر خارجہ کو ہسپتال لے جانے کےلیے کہا تھا، زخمی پاکستانی جو بشکیک میں ٹیکسٹائل فیکٹری میں کام کرتا ہے، ہسپتال پہنچنے پر پاکستانی سفیر کو زخمی پاکستانی شاہ زیب کو وطن واپس لانے کےلیے ضروری اقدامات کرنے کا کہا،غیر متوقع تصادم ہواتھا کئی ممالک کے طلبہ زخمی ہوئے، بشکیک واقعے میں ملوث افراد کو گرفتار بھی کیاگیا ،صرف پاکستان کے طلبہ پر حملہ نہیں کیا گیا،کرغزستان کے وزیرخارجہ نے کہا کہ ذمہ داروں کے خلاف کارروائی کریں گے،وزیراعظم شہبازشریف تہران جارہے ہیں میں بھی ہمراہ ہوں گا، سفیر نے بتایا کہ 1100ہمارے ورکرز ایجنٹ کے ذریعے کرغزستان پہنچے ،ہم نے کرغزستان حکومت سے گزارش کی کہ ان کو گوں کو ڈیپورٹ نہ کریں ،کرغزستان حکام سے گزارش کی کہ غیر قانونی مقیم لوگوں کو ویزادے دیں،آج رات تک 4ہزار 290کے قریب طلبا پاکستان پہنچ چکے ہوں گے ،اب تک 3ہزار 233پاکستانی طلبہ وطن واپس آچکے ہیں،کرغزستان میں 1100افراد غیر قانونی طور پر کام کررہے ہیں،کرغزستان سے واپس آنے والے طلبہ کی تعلیم سے متعلق امورپرزیر غور ہیں،بچوں کو سوچ سمجھ کر پڑھنے کے لیے دوسرے مُلکوں میں جانا چاہیے۔
اسحاق ڈار کی ہسپتال میں زیرعلاج پاکستانی ٹیکسٹائل ورکر شاہ زیب سے ملاقات
نائب وزیراعظم، وزیر خارجہ پاکستان اسحاق ڈار بشکیک پہنچ گئے، اسحاق ڈار نے ہسپتال میں پاکستانی زخمی سے ملاقات کی، اسحاق ڈار کی کرغزستان کے ڈپٹی چیئرمین کیبنٹ آف منسٹرز سے بھی ملاقات ہوئی ہے،پاکستان کے نائب وزیر اعظم اسحاق ڈار گزشتہ شب بشکیک پہنچے، انہوں نے بشکیک پہنچنے پرنیشنل اسپتال بشکیک کا دورہ کیا اور ہسپتال میں زیرعلاج پاکستانی ٹیکسٹائل ورکر شاہ زیب سے ملاقات کی اور خیریت دریافت کی،ترجمان دفتر خارجہ کے مطابق شاہ زیب بشکیک میں حالیہ تشدد کے واقعات کے دوران زخمی ہوئے تھے،اسحاق ڈار سے ملاقات کے دوران شاہ زیب نے پاکستان واپسی کی خواہش کا اظہار کیا، نائب وزیراعظم اسحاق ڈار کی درخواست پر کرغز حکام نے شاہ زیب کو اسپتال سے ڈسچارج کرنے کا فیصلہ کیا،
نائب وزیر اعظم اسحاق ڈار کی کرغزستان کے ڈپٹی چیئرمین کیبنٹ آف منسٹرز سے بھی ملاقات
ترجمان دفتر خارجہ کے مطابق نائب وزیر اعظم اسحاق ڈار نے کرغزستان کے ڈپٹی چیئرمین کیبنٹ آف منسٹرز سے بھی ملاقات کی،نائب وزیراعظم اسحاق ڈار نے کرغزستان میں مقیم پاکستانی ٹیکسٹائل ورکرز کی فلاح و بہبود سے متعلق امور کو اٹھایا، کرغز رہنما نے ویزا کی حیثیت سے متعلق مسائل کا جلد حل تلاش کرنے پر آمادگی ظاہر کی، دونوں ممالک کے درمیان تجارتی اور اقتصادی تعلقات مزید مضبوط بنانے پر بھی اتفاق کیا گیا،نائب وزیر اعظم اسحاق ڈارنے ہنگامہ آرائی کے دوران پاکستانی طلباء کی فلاح و بہبود یقینی بنانے پر ان سے اظہار تشکر کیا اور امید ظاہر کی کہ پاکستانیوں کے خلاف تشدد کی کارروائیوں کے ذمہ داروں کا محاسبہ کیا جائے گا۔
ہم 4 دن سے گھر میں تھے، بشکیک میں طلبہ بہت پریشان ہیں،واپس پہنچنے والے طالب علم کی گفتگو
دوسری جانب بشکیک سے مزید 290 طلبہ پاکستان پہنچ گئے ہیں، پاکستان کی قومی ایئر لائن پی آئی اے کی پرواز رات دو بجے بشکیک سے پشاور ایئرپورٹ پہنچی، وزیر برائے اعلیٰ تعلیم خیبرپختونخوا مینا خان اور ایم این اے فیصل امین گنڈاپور سمیت دیگر نے پاکستان واپس پہنچنے والے طلبا کا استقبال کیا،مشیر خزانہ کے پی مزمل اسلم کا کہنا ہے کہ پہلے آئیں پہلے پائیں کے تحت پورے پاکستان کے طلبہ کو ترجیح دی ہے، اس موقع پر پشاور ایئرپورٹ پر ایک طالب علم کا کہنا تھا کہ ہم 4 دن سے گھر میں تھے، بشکیک میں طلبہ بہت پریشان ہیں۔
بشکیک طلبا کی واپسی کیلئے بلوچستان حکومت نے وزرات دفاع سے ہوائی جہاز طلب کرلیا
ہمارے بچوں کو تحفظ فراہم کیا جائے، بشکیک میں پھنسے طلبا کے والدین کی دہائی
اسلام آباد میں کرغزستان سفارتخانے کے باہر احتجاج،طلبا کو تحفظ کا مطالبہ
طلبا ہمارے بچے،وزیراعظم کو مصروفیات ترک کر کے بشکیک جانا چاہئے،مبشر لقمان
سوشل میڈیا پر بشکیک میں ہونیوالی ہنگامہ آرائی کی ویڈیو رات گئے سے وائرل ہو رہی ہیں ، میڈیا رپورٹس کے مطابق کرغزستان کے مقامی طلبا اور مصری طلبا کا آپس میں تصادم ہوا لیکن الزام پاکستانی طلبا پر لگا دیا گیا جس پر مقامی طلبا نے پاکستانی طلبا کے ہاسٹل پر حملہ کر دیا، اس حملے میں درجنوں طلبا زخمی ہیں، حملہ آوروں نے ہاسٹل کے دروازے اور کھڑکیوں کے شیشے بھی توڑ دیئے ہیں،واقعے کے بعد پاکستانی طلبہ خوفزدہ ہو گئے ہیں،ہاسٹل میں پاکستانی طالبات کو ہراساں کرنے کی اطلاعات بھی سامنے آئی ہیں۔
بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے
سماعت سے محروم بچوں کے لئے بڑی خوشخبری
ایبٹ آباد میں "ہم جنس پرستی کلب” کے قیام کے لیے درخواست
ہنی ٹریپ،لڑکی نے دوستوں کی مدد سے نوجوان کیا اغوا
بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا
طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج
امجد بخاری کی "شادی شدہ” افراد کی صف میں شمولیت
مجھے مسلم لیگ ن کے حوالے سے نہ بلایا جائے میں صرف مسلمان ہوں،کیپٹن ر صفدر
Leave a reply
