وزیراعظم کے یارنےیاری کا حق اداکردیا،پاکستانی ہنرمندوں کے لیےخوشخبری، جاپان سے بڑا معاہدہ

0
44

ٹوکیو:وزیراعظم کے یارنےیاری کا حق اداکردیا،پاکستانی ہنرمندوں کے لیےخوشخبری، جاپان سے بڑا معاہدہ،اطلاعات کے مطابق وزیراعظم عمران کے معتمد ساتھی اورسمندرپارپاکستانیوں کے سفیرسید ذوالفقارعباس بخاری کی اپنی میٹھی زبان ،خلوص نیت اورپاکستانیت کے جذبے نے اب جاپان سے کمال معاہدہ کرکے دل خوش کردیا ہے،

باغی ٹی وی کے مطابق معاون خصوصی کی کوششوں سے جاپان پاکستان سے ہنرمند افرادی قوت کی درآمد کے حوالے سے پیر کو مفاہمت کی یادداشت پر دستخط کرے گا۔انہوں نے کہا ہے کہ جاپان چودہ مختلف شعبوں میں پاکستان سے ہنرمند افرادی قوت کی درآمد کے حوالے سے پیر کو اسلام آباد میں مفاہمت کی ایک یادداشت پر دستخط کرے گا۔

انہوں نے کہا کہ مفاہمت کی اس یادداشت سے پاکستانی کارکنوں کو تعمیرات، انفارمیشن ٹیکنالوجی، نرسنگ، مینوفیکچرنگ، انجینئرنگ اور دیگرشعبوں میں کام کرنے کے مواقع فراہم ہونگے۔

ادھر جاپان کے سفیر Khuxinori Matsuda نے پیر کو دستخط کی جانے والی مفاہمت کی یادداشت سے متعلق اسلام آباد میں سید ذوالفقار عباس بخاری سے ملاقات کی۔فریقین نے تجارت، سیاحت اور افرادی قوت سے متعلق امور پر تفصیلی بات چیت کی۔

جاپان کے سفیر نے کہا کہ پاکستان کے دور درازعلاقوں میں جاپانی زبان کے تین سے چھ ماہ کے کورس کرائے جائیں گے تاکہ زیادہ سے زیادہ پاکستانیوں کیلئے جاپان میں روزگار کے مواقع فراہم ہو سکیں۔

Leave a reply