جماعت اسلامی کا 29 ستمبر کو مُلک گیر دھرنے کا اعلان

جماعت اسلامی نے ایک دفعہ پھر 29 ستمبر کو ملک گیر دھرنے دینے کا اعلان کر دیا

امیر جماعت اسلامی حافظ نعیم الرحمان نے پریس کانفرنس کرتے ہوئے کہا کہ ہر طرف نااہلی،کرپشن ہے اور بوجھ عوام پر ہے، پاکستانی قوم ناجائز بل ادا نہین کرے گی، چند لوگوں کی لوٹ مار کا عوام نقصان اٹھا رہی ہے، جماعت اسلامی حق دو عوام کو تحریک لے کر چل رہی ہے، آج نئے مرحلے کا اعلان کر رہے ہیں، یہ تحریک عوام کو بنیادی حقوق دلانے کی تحریک ہے، بجلی کے بلوں، گیس کی قیمتوں، پٹرول کی قیمتوں میں ریلیف دلانا ہے، یہ وہ تحریک ہے جو صرف مطالبات نہیں کر رہی ہے، بلکہ حکومت کو قابل عمل تجاویز بھی دیتی ہے، حکومت کے انتظامی اخراجات کم کئے جائیں، شرح سود کو دس فیصد کم اور پھر بتدریج ختم کیا جائے ،یہ وہ فوری اقدامات ہیں جس سے بجلی کی قیمتیں کم ہوں گی، آئی پی پیز کو ہم سالانہ اربوں ادا کر رہے ہیں، بجلی بنی نہیں پھر بھی قیمت دی جا رہی ہے، تنخواہ دار لوگوں سے ٹیکس وصول کیا جاتا ہے، بڑھا دیا جاتا ہے اور آئی پی پیز والوں کو انکم ٹیکس کی چھوٹ دی جاتی ہے، قوم یہ پیسہ ادا کر رہی ہے، آٹے، دال ،چینی پر ٹیکس لگ گئے، بجلی بلوں پر ٹیکس لگ کر آتے ہیں، ٹی وی ٹیکس، طرح طرح کے ٹیکس لگ جاتے ہیں،

حافظ نعیم الرحمان کا کہنا تھا کہ یہ تحریک کسی لیڈر کے مفاد میں نہیں ہے، جماعت اسلامی کو کوئی فائدہ نہیں،ہماری ذات کو فائدہ نہیں، یہ پاکستان کے 25 کروڑ عوام کا مقدمہ ہے، صحت،تعلیم کی سہولیات نہیں مل رہیں، اس پر خاموش نہیں رہا جا سکتا، ایسی سیاست نہیں کی جا سکتی کہ بس بات چلتی رہے، عملی طور پر ہم میدان میں نکلے، احتجاجی تحریک شروع کی، اسلام آباد گئے، ایک دھرنے کو کئی دھرنوں میں تبدیل کیا، اسلام آباد دھرنے کے بعد معاہدہ ہوا جو قوم کے سامنے ہے، ایک طرف جماعت اسلامی اور دوسری طرف حکومت وقت ہے، حکومت نے 45 دن میں شرطوں کا ماننے کا کہا تھا اور کہا تھا کہ ایک ماہ میں آئی پی پیز کامسئلہ حل کر لیں گے، ہم نے حکومت کو موقع دیا اور عوامی رابطے کو جاری رکھا ہم سات آٹھ جلسے ملک میں کر چکے ہیں اور ایک تاریخی ہڑتال بھی کی، پرامن شٹر ڈاؤن ہڑتال تھی،یہ تحریک آگے جا رہی ہے، ہم نے ممبر شپ شروع کی ہوئی ہے جو جاری ہے، بہت بڑی تعداد میں عوام ممبر شپ حاصل کر رہے ہیں، ممبر شپ کو آگے مشاورت کے بعد بڑھایا جائے گا، آج ہم اعلان کرتے ہیں کہ تحریک نئے فیز میں داخل ہو رہی ہے، 29 ستمبر کو ملک بھر میں بڑے مظاہرے کریں گے، دھرنے دیئے جائیں گے، یہ دھرنے شاہراہوں پر دیے جائیں گے،ہم حکومت سے کہتے ہیں کوئی ایسی کاروائی کرنے سے گریز کرے جو جمہوری عمل کو سبوتاژ کرے، ہمارا دھرنوں، احتجاج کا اسلسلہ وسعت اختیار کرے گا، 23 اکتوبر سے 27 اکتوبر تک ہم پورے پاکستان کی عوام سے رابطہ کریں گے اور ریفرنڈم کریں گے کہ آنے والے مہینوں میں بجلی کے بلوں کی ادائیگی کرنی چاہئے یا نہیں،اس پر لوگوں کی رائے ہر جگہ سے حاصل کریں گے اور عوام کا جب رائے ملے گا تو پھرہم واضح اعلان کریں گے کہ پاکستانی قوم ناجائز بل ادانہیں کرے گی، یہ ناجائز بل ہیں، اسی دوران ہم پہیہ جام ہڑتال کا اعلان بھی کر سکتے ہیں ملین مارچز کرنے کا آپشن بھی ہے.

ہم کسی سے "فیض یاب” نہیں ہوئے، امیر جماعت اسلامی حافظ نعیم الرحمان

امریکی ایوان نمائندگان میں قرارداد،پاکستان کے خلاف آپریشن گولڈ اسمتھ کی ایک کڑی

آپریشن گولڈ سمتھ کی کمر ٹوٹ گئی،انتشاری ٹولہ ایڑھیاں رگڑے گا

تحریک انصاف کی ملک دشمنی ایک بار پھر کھل کر سامنے آ گئی

14 سال سے خیبرپختونخوا میں پی ٹی آئی سرکار،اربوں بجٹ وصول،کارکردگی زیرو

عمران پر جیل میں تشدد ہوا،مجھے مرد اہلکار نے…بشریٰ بی بی نے سنگین الزام عائد کر دیا

ہر نئے ریلیف کے بعد اک نیا کیس،عمران خان کی رہائی ناممکن

عمران خان نے آخری کارڈ کھیل دیا،نواز شریف بھی سرگرم

پی ٹی آئی کی ڈیجیٹل دہشت گردی کا سیاہ جال،بیرون ملک سے مالی معاونت

اگلے دو مہینے بہت اہم،کچھ بڑا ہونیوالا؟عمران خان کی پہنچ بہت دور تک

اڈیالہ جیل میں قید عمران خان نے بالآخر گھٹنے ٹیک دیئے