شیخوپورہ اور بھکر میں حادثات ، ایک ہی خاندان کے6 افراد سمیت 8جاں بحق

شیخوپورہ میں کالا شاہ کاکو میں جی ٹی روڈ پر کار، ٹرک اور مزدا ڈالہ میں تصادم کے نتیجے میں 6 افراد جاں بحق جب کہ 4 افراد شدید زخمی ہو گئے، حادثہ تیز رفتاری کے باعث پیش آیا۔

ریسکیو ذرائع کا کہنا ہے کہ ٹریفک حادثے میں ایک ہی خاندان کے 6 افراد جاں بحق ہوئے ہیں جن میں ظہیر اس کی اہلیہ ارم، بیٹے ایان اور عبدالوہاب دیگر جاں بحق ہونیوالوں میں شہباز اور ایمان شامل ہیں۔ریسکیو کے مطابق حادثے میں 4 افرادشدید زخمی بھی ہوئے جن میں3شمیم، نسیم اور خدیجہ کی حالت تشویشناک ہے۔

ریسکیو ذرائع نے بتایا کہ حادثے کا شکار خاندان ملتان سے گوجرانوالہ جارہا تھا تاہم جاں بحق افراد اور زخمیوں کو ٹی ایچ کیو اسپتال منتقل کر دیا گیا ہے۔

ضلع بکھر میں ماہنی چوک کے قریب کار اور ٹرک کے درمیان خوفناک تصادم کے نتیجے میں 2 افراد جاں بحق جب کہ 2 شدید زخمی ہو گئے۔
ریسکیو ذرائع کے مطابق زخمیوں کو تشویشناک حالت میں ڈی ایچ کیو اسپتال ریفر کردیا گیا ہے تاہم حادثہ کار کا ٹائر پھٹنے کے باعث پیش آیا۔