کراچی : کرونا وائرس کے تین کیسز میں سے دو کی حالت بہتر

کراچی میں کرونا وائرس کے تین کیسز میں سے دو کی حالت بہتر

باغی ٹی وی :کرونا وائرس کے حوالے سے پاکستان کے لیے اچھی خبر، کراچی میں کرونا وائرس کے تین کیسز میں سے دو کی حالت بہتر ہے۔ آج ہونے والے پانچوں افراد کے ٹیسٹ منفی آئے۔ وزیراعلیٰ سندھ کو کرونا ٹاسک فورس اجلاس میں آگاہ کیا گیا۔

وزیراعلیٰ سندھ کے زیر صدارت کرونا وائرس پر ٹاسک فورس کا اجلاس ہوا۔ اجلاس کو بریفنگ میں بتایا گیا کہ آج ہونے والے پانچوں افراد کے ٹیسٹ منفی آئے ہیں۔ گزشتہ روز رپورٹ ہونے والے کیس کے 8 متعلقہ افراد کے بھی ٹیسٹ کیے گئے جبکہ 19 افراد کے ٹیسٹ ہونا باقی ہیں جبکہ تین کیسز میں سے دو کی حالت بہتر ہوئی ہے۔

اجلاس کو آگاہی دی گئی کہ سندھ میں 135 ٹیسٹ ہو چکے ہیں جن میں سے چار کیس مثبت آئے اور ایک مریض صحت یاب ہو کر گھر چلا گیا ہے۔

وفاقی دارالحکومت میں بھی کرونا وائرس کا مشتبہ کیس سامنے آ گیا

کرونا وائرس، چین سے طالب علم پاکستان پہنچا تو اسکے ساتھ کیا ہوا؟

کرونا وائرس، مائیں رو رہی ہیں ،حکومت سو رہی ہے، مشاہد اللہ خان کی سینیٹ میں کڑی تنقید

گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

وزیراعلیٰ نے سرکاری اور پرائیوٹ ہسپتالوں کو ایڈوائزری جاری کرنے کی ہدایت کرتے ہوئے حکم دیا کہ کوئی بھی مشتبہ شخص سامنے آئے تو فوری محکمہ صحت کو رپورٹ کیا جائے اور بیرون ملک سے کراچی آنے والوں کی سکریننگ کی جائے۔بریفنگ میں بتایا گیا کہ مختلف ممالک سے آنے والے 3630 مسافروں کو سکرین کیا گیا ہے جبکہ ایران سے آنے والے 230 افراد کو گھروں میں قرنطینہ میں رکھا گیا ہے.

معاون خصوصی صحت ڈاکٹر ظفر مرزا نے کہا ہے ملک بھر سے کورونا کے 289 مشتبہ کیسوں کی تصدیق کیلئے ٹیسٹ کروائے گئے ۔پمز ہسپتال کے دورہ کے موقع پر ڈاکٹر ظفر مرزا نے کرونا وائرس کے حوالے سے قائم ائسولیشن روم کا بھی دورہ کیا ۔ڈاکٹر ظفر مرزا نے کہا کہ کرونا وائرس سے عوام کو بچانے کیلئے ہر ممکن اقدامات ر ہے ہیں۔پنجاب کے محکمہ صحت پرائمری اینڈ سیکنڈری کے مطابق کورونا وائرس کے 3 مشتبہ مریض آئسولیشن وارڈز میں زیر نگرانی رکھے گئے ہیں ۔1 مشتبہ مریض نشتر ہسپتال ملتان، 1 ڈی ایچ کیو بھکر اور ایک ڈی ایچ کیو خوشاب میں زیر نگرانی ہے