کراچی سفید شیر کی ہلاکت: شوبز فنکار انتظامیہ پر برہم، چڑیا گھر بند کرنے کا مطالبہ

کراچی: چڑیا گھر میں نایاب نسل کے سفید شیر کی ہلاکت کے بعد شوبز ستاروں نے انتظامیہ پر شدید برہمی کا اظہار کرتے ہوئے چڑیا گھر بند کرنے کا مطالبہ کردیا۔

باغی ٹی وی : گزشتہ روز کراچی چڑیا گھر میں نایاب نسل کے سفید شیر کی ہلاکت کی خبر سامنےآنے کے بعد ایڈمنسٹریٹر کراچی مرتضیٰ وہاب نے نوٹس لیتے ہوئے واقعے کی تفصیلی رپورٹ طلب کی تھی جب کہ ترجمان بلدیہ عظمیٰ کراچی کا کہنا تھا کہ شیر کو پھیپھٹروں کی ٹی بی تھی اور وہ گزشتہ 13 روز سے بیمار تھا اور علالت کے باعث ہی شیر کی موت ہوئی ہے۔

تاہم شوبز ستارےانتظامیہ کی اس دلیل سے بالکل بھی متفق نہیں ہیں انہوں نے چڑیا گھر میں شیر کی ہلاکت پر شدید افسوس کاا ظہار کرتے ہوئے چڑیا گھر کو بند کرنے کا مطالبہ کیا ہے۔

photo:Instagram

اداکارہ یشما گل نے شیر کی ہلاکت کے ذمہ داروں کے خلاف کارروائی کرنے کا مطالبہ کیا انہوں نے بتایا کہ وہ اپنے مینجر کے ہمراہ کراچی چڑیا گھر گئی تھیں جانوروں کے لیے کھانا لے کر لیکن انہیں کہا گیا کہ مسئلہ حل ہوچکا ہے اور شیر سمیت تمام جانوروں کو مناسب خوراک فراہم کی جارہی ہے۔ تاہم 5 گھنٹے بعد انہیں اپنے ایک دوست کی طرف سے یہ تصویر موصول ہوئی انہوں نے چڑیا گھر کی انتظامیہ پر برستے ہوئے کہا جو بھی اس جرم میں ملوث تھا کیا اب آپ خوش ہیں کیا حکومت اب فنڈز جاری کردے گی-

Photo:Instagram

یشما گل نے ایک اور انسٹااسٹوری پر چڑیا گھر کو ختم کرنے کا مطالبہ کرتے ہوئے کہا خاص طور پر ہمارے جیسے ممالک میں جہاں ہم جانوروں کی خوراک کا انتظام بھی کرنے کے متحمل نہیں ہوسکتے۔

Photo:Instagram

یاسر حسین نے بھی انتظامیہ کی لاپرواہی پر برہمی کا اظہار کیا-

Photo:Instagram

اداکارہ ارمینا خان نے بھی یشما گل کی پوسٹ کو شئیر کرتے ہوئے انتظامیہ کو آڑے ہاتھوں لیتے ہوئے کہا ان پر تشدد کرنا ،انہیں بھوکا مارنا،بے زبان پر ظلم ان سب سے میرا دل ہل جاتا ہے انہوں نے انتظامیہ کو مخاطب کرتے ہوئے کہا کیسے کر لیتے ہو یہ سب ڈرو اس وقت سے جب اس کا حساب ہوگا-

Photo:Instagram

اداکارہ اشنا شاہ نے مرے ہوئے شیر کی تصویر انسٹاگرام پر شیئر کرتے ہوئے چڑیا گھر کی انتظامیہ پر شدید تنقید کرتے ہوئے کہا کہ انتظامیہ شیر کی موت کی ذمہ دار تپ دق کی بیماری کو قرار دینے کی کوشش کررہی ہے لیکن ہم سب جانتے ہیں کہ ٹھیکیدار نے جانوروں کو کھانا دینا بند کردیا تھا اور یہ نایاب جانور ایک لمبے عرصے سے بھوکے تھے۔

اداکارہ اشنا شاہ نے اپنے تمام فالوورز کو بتایا کہ ہم نے جانوروں اور جنگلی حیات کی دیکھ بھال کرنے میں نااہلی کا مظاہرہ کیا ہے لہذا چڑیا گھروں کو فوری طور پر ختم کردینا چاہئے۔ پاکستان کے پاس جانوروں کو اتنی مقدار میں بھی کھانا کھلانے کے پیسے نہیں ہیں جتنی کہ انہیں ضرورت ہے۔

photo:social meida

اداکارہ عائشہ عمر نے بھی کراچی چڑیا گھر میں شیر کی ہلاکت پر افسوس کا اظہار کیا اور شیر کی ہلاکت کی وجہ تپ دق کی بیماری کو قرار دینے پر انتظامیہ
پر شدید تنقید کی۔

B#%S!
He died because we couldn't look after him!
Zoos should be a place where animals go for protection, hospitalisation,rehabilitation, recreation & breeding! At the very least, people can then go to observe them.
Anything less than that,Are NOT Zoos they are animal prisons! https://t.co/uHMmagL3rF

— Shaniera Akram (@iamShaniera) November 24, 2021

سابق کپتان وسیم اکرم کی اہلیہ اور سماجی کارکن شنیرا اکرم نے بھی کراچی چڑیا گھر میں شیر کی ہلاکت کی مذمت کرتے ہوئے کہا یہ مرگیا کیونکہ ہم اس کی دیکھ بھال نہیں کرسکے۔ چڑیا گھر وہ جگہ ہونی چاہئے جہاں جانور تحفظ، صحت کی سہولیات، بحالی، تفریح اور افزائش کے لیے جاتے ہیں۔ کم از کم لوگ پھر ان کا مشاہدہ کرنے جاسکتے ہیں۔ شنیرا اکرم نے چڑیا گھر کو جانوروں کی جیل قرار دیا۔

کراچی چڑیا گھر میں موجود نایاب نسل کا سفید شیر ہلاک

ثابت ہوگیا کہ عمران خان ایک نااہل حکمران ہیں،بلاول

دورہ بھارت کی دعوت، چیئرمین سینیٹ نے "جواب ” دے دیا