کشمیر مدعے پر او آئی سی اجلاس شروع، وزیر خارجہ کا اجلاس سے قبل اہم شخصیت سے رابطہ

باغی ٹی وی کی رپورٹ کے مطابق وزیرخارجہ شاہ محمود قریشی نے سعودی وزیرخارجہ سےٹیلیفونک رابطہ کیا ہے

ٹیلی فونک گفتگو میں کورونا،مقبوضہ کشمیرمیں انسانی حقوق کی خلاف ورزیوں پرتبادلہ خیال کیا گیا،وزیر خارجہ شاہ محمود قریشی کا کہنا تھا کہ پاکستان اورسعودی عرب کے مابین گہرے اورکثیر الجہتی تعلقات ہیں،دونوں ممالک کے مابین اسٹریٹجک شراکت داری میں اضافہ خوش آیند ہے،

وزیرخارجہ شاہ محمود قریشی نے سعودی عرب میں کورونا سےجانی نقصان پرافسوس کااظہار کیا،وزیر خارجہ کا کہنا تھا کہ سعودی حکومت کے وبا کے خلاف اقدامات قابل تعریف ہیں،

وزرائے خارجہ کے مابین کورونا کے معاشی مضمرات سے متعلق بھی تبادلہ خیال کیا گیا،سعودی وزیر خارجہ نے پاکستان کےکورونا سے نمٹنےکیلئےاقدامات کو سراہا،سعودی وزیر خارجہ نے پاکستانی عوام اور حکومت کے ساتھ اظہار یکجہتی کی،

وزیر خارجہ شاہ محمود قریشی نے سعودی وزیر خارجہ کو بھارتی فورسزکی مقبوضہ کشمیرمیں انسانی حقوق کی خلاف ورزیوں سےآگاہ کیا، شاہ محمود قریشی کا کہنا تھا کہ یہ اقوام متحدہ سیکیورٹی کونسل کی قراردادوں کی خلاف ورزی ہے،کشمیرکی صورتحال پر مسلم امہ کونوٹس لینا چاہیے،

دوسری جانب مقبوضہ کشمیرمیں جارحیت،اوآئی سی رابطہ گروپ کاہنگامی وڈیولنک اجلاس شروع ہو گیا ہے،وزرائےخارجہ سطح کا یہ ہنگامی اجلاس پاکستان کی درخواست پربلایاگیا ہے،اجلاس میں پاکستان، سعودی عرب ، ترکی آذربائیجان ،نائیجیریا کے وزرائے خارجہ شریک ہیں،اجلاس میں آزاد کشمیر کے صدر کشمیری عوام کے نمایندہ کے طور پر شریک ہیں

او آئی سی کے سیکرٹری جنرل ڈاکٹر یوسف العثمین کا کہنا ہے کہ اجلاس بھارتی قابض انتظامیہ کی جانب سے کشمیری نوجوانوں کے ماورائے عدالت قتل اور مقبوضہ کشمیر میں انسانی حقوق کی دیگر سنگین خلاف ورزیوں کے تناظر میں طلب کیا گیا ہے۔

بہت ہو گیا ،اب گن اٹھائیں گے، کشمیری نوجوانوں کا ون سلوشن ،گن سلوشن کا نعرہ

مقبوضہ کشمیر پونچھ میں ڈیوٹی پر موجود بھارتی فوجی کی ہارٹ اٹیک سے موت