کشمیری رہنماؤں کو کہاں منتقل کیا جارہا ہے؟ بھارتی ظلم کا ایک اور ثبوت سامنے آگیا

میرپور: جموں و کشمیر کی حکومت نے کشمیر میں آزادی کی جنگ لڑنے والے 25 سے زائد لیڈروں کو بھارت میں نامعلوم جیلوں‌ میں منتقل کردیا ہے.

تفصیلات کے مطابق جمعرات کو جموں و کشمیر کی حکومت نے میاں قیوم کو بھارت کی نامعلوم جیل میں منتقل کیا ہے. قیوم ایک مشہور وکیل ہے اور وہ بہت سے معاملات کی نمائندگی کرتا رہا ہے۔ انہیں اسی بات کی سزا دی گئی ہے کہ وہ کشمیر میں کھڑے ہوکر بھارت کو للکارتے ہیں اور کشمیر کی آزادی کی بات کرتے ہیں. بھارت کا معصوم کشمیریوں پر ظلم و ستم جاری ہے جبکہ دنیا اس وقت خاموش بیٹھی ہوئی ہے. قیوم پہلے شخص نہیں جنہیں بھارت مین نامعلوم جیل میں قیدی بنایا گیا ہو بلکہ پچھلے کچھ دنوں میں 25 سے زائد ایسے لیڈر ہیں جنہیں بھارت کی نامعلوم جیلوں میں منتقل کردیا گیا ہے.

واضح رہے کہ بھارت کی جانب سے آرٹیکل 35 اے اور 370 کی منسوخی کے بعد سے ہی کشمیر میں ظلم و ستم کا سلسلہ جاری ہے.