کپتان کا کمال، مریم اور بلاول کی راہیں پھر جدا؟

کپتان کا کمال، مریم اور بلاول کی راہیں پھر جدا؟

باغی ٹی وی کی رپورٹ کے مطابق قومی اسمبلی اجلاس میں شریک ہونا ہے یا نہیں ن لیگ اور پیپلز پارٹی میں اختلافات سامنے آ گئے

وزیراعظم عمران‌ خان نے اعتماد کا ووٹ لینے کا فیصلہ کیا ہے جس کے لئے قومی اسمبلی کا اجلاس کل ہفتہ کو ہو گا، اپوزیشن جماعتوں نے ابھی تک اسمبلی اجلاس میں شرکت کے لئے کوئی حتمی فیصلہ نہیں کیا

قومی اسمبلی اجلاس میں شرکت کے حوالہ سے مسلم لیگ ن اور پاکستان پیپلز پارٹی کے درمیان اختلاف بھی سامنے آیا ہے پیپلز پارٹی کا موقف ہے کہ قومی اسمبلی کے اجلاس میں شریک ہونا چاہئیے، پیپلز پارٹی نے موقف پیش کیا کہ میدان خالی نہیں چھوڑنا چاہئیے،اسمبلی جا کر بھرپور احتجاج کرنا چاہئیے جب کہ ن لیگ قومی اسمبلی کے اجلاس میں شریک ہونے کی مخالف ہے۔

قبل ازیں اپوزیشن نے تمام ارکان اسمبلی کو اسلام آباد میں موجود رہنے کی ہدایات جاری کردیں،چیئرمین پیپلزپارٹی بلاول بھٹو بھی پارٹی رہنماوَں سے مشاورت کریں گے کہ اجلاس میں شریک ہونا ہے یا نہیں، حتمی مشاورت کے بعد قومی اسمبلی اجلاس میں شرکت کا فیصلہ ہوگا، بعض رہنماوَں نے کل کے اجلاس کا حصہ نہ بننے کی تجویز دے رکھی ہے،بلاول زرداری مولانا فضل الرحمان و دیگر سے بھی مشاورت کریں گے ،صدر مملکت نے قومی اسمبلی کا اجلاس کل بروز ہفتہ دوپہر سوا بارہ بجے پارلیمنٹ ہاؤس میں طلب کر رکھا ہے

واضح رہے کہ سینیٹ انتخابات میں بڑے اپ سیٹ کے بعد وزیر اعظم عمران خان نے ایوان سے اعتماد کا ووٹ لینے کا اعلان کیا ہے، اسلام آباد کی جنرل نشست پر پاکستان پیپلز پارٹی کے یوسف رضا گیلانی نے پی ٹی آئی کے امیدوار حفیظ شیخ کو شکست دی۔

وفاقی وزیر تعلیم شفقت محمود کا کہنا ہے کہ اعتماد کا ووٹ اوپن ہوگا۔ وفاقی وزرا کی پریس کانفرنس کے دوران شفقت محمود نے بتایا کہ وزیر اعظم کیلئے اعتماد کا ووٹ اوپن ہوگا، اس میں پتہ چل جائے گا کہ کون کس کے ساتھ کھڑا ہے، اگر کوئی باضمیر ہے تو اس میں الگ ہوجائے۔

وزیر خارجہ شاہ محمود قریشی کا کہنا تھا کہ ہم اپنے نظریے پر قائم ہیں ،یہ یکجا ہوگئے ہیں ، یہ فرار کی سیاست کرتے ہیں ہم اس فرار کی سیاست کو دفن کرکے دم لیں گے ،وزیراعظم کا حوصلہ ہے ارکان کی باتیں سنتےہیں ،اگرارکان ناراض تھے تو کھل کر چلےجاتے،

اسلام آباد سیٹ سے شکست، وزیراعظم کا ایسا فیصلہ کہ سن کر مریم اور مولانا کی خواہش ہوئی پوری

وزیراعظم کا اعتماد کاووٹ ،اوپن ہو گا یا سیکرٹ؟ اعلان ہو گیا

چیئرمین سینیٹ کا انتخاب ،کن سینیٹرز کا کردار بڑھ گیا، سب کی نگاہیں ان کی طرف

سینیٹ میں تحریک انصاف اکثریتی پارٹی بن گئی،ن لیگ کونسے نمبر پر؟

سینیٹ میں شکست کے بعد پی ٹی آئی حکومت کا اخلاقی جواز ختم،سابق وزیراعظم

کون ہو گا اگلا چیئرمین سینیٹ؟ اپوزیشن نے اعلان کر دیا

سینیٹ میں شکست کا ذمہ دار کون؟ وزیراعظم نے سب کو بلا لیا

ایک کے بعد ایک وار،اب کون ہو گا اپوزیشن کا نیا شکار،مبشر لقمان کے انکشاف سے پی ٹی آئی میں کھلبلی مچ گئی

وزیراعظم کا اعتماد کا ووٹ، اپوزیشن نے اراکین اسمبلی کو اہم ہدایات دے دیں