خیبر پختونخواہ میں کرونا وائرس سے مزید 3 اموات، مریضوں میں بھی اضافہ

باغی ٹی وی کی رپورٹ کے مطابق پشاور میں کورونا وائرس سے مزید3 افراد کا انتقال ہوگیا

خیبر پختونخوا میں کورونا وائرس سے انتقال کرنے والوں کی تعداد 14ہوگئی،پشاورمیں 6، بنوں ،بونیر ،لکی مروت میں 4،4 نئے کیسز رپورٹ ہوئے، خیبر پختونخوا میں کورونا سے متاثرہ مریضوں کی تعداد 372ہوگئی،

لیڈی ریڈنگ ہسپتال میں 4 افراد کرونا کی وجہ سے جاں بحق ہوئے جن میں دو کے ٹیسٹ مثبت آئے تھے اور دو کے ٹیسٹ کے نتائج کا انتظار ہے مرنے والوں میں سے دو لوگ تبلیغ سے واپس آئے تھے.یکہ توت کا رہائشی محکمہ اوقاف کا آفیسر لیڈی ریڈنگ ھسپتال میں دم توڑ گیا ،ایل آر ایچ میں کورونا وائرس کے کل سات کیسز داخل ہیں جن میں سے تین کنفرم جبکہ چار مشتبہ کیس شامل ہیں.

خیبر پختونخواہ میں 3 ہلاکتوں کے بعد پاکستان میں ہلاکتوں کی مجموعی تعداد 44 ہو گئی ہے

قبل ازیں پشاور میں پولیس سٹیشن فقیر آباد کی حدود میں واقع خواجہ ٹاون میں 3 مریضوں کی کرونا رپورٹس مثبت آنے کے بعد پولیس نے خواجہ ٹاﺅن کے متاثرہ علاقے کو سیل کر دیاہے، خواجہ ٹاﺅن میں وقاص نامی شخص کی والدہ کے نجی ہسپتال میں کرونا ٹیسٹ مثبت آئے تھے، وقاص اپنی والدہ کو اسلام آباد کی ہسپتال لے گیا، اب وقاص اور اس کی بہن کا ٹیسٹ بھی مثبت آیا ہے، کرونا کی شکار خاتون پشاور سے ضلع صوابی ایک فوتگی پر گئی تھی

پشاور میں لاک ڈاون کے دوران کورونا وائس سے بچاو اور انکی پھیلاو کا راستہ روکنے کیلئے پورے ملک کی طرح پشاور میں بھی انتظامیہ نے دفعہ 144کا نفاذ کیاہے، مسلسل منع کرنے کے باوجود بھی شہری قانون کی خلاف ورزیاں کررہے ہیں، جس کے خلاف انتظامیہ نےدفعہ 144 کی خلاف ورزی کرنےپر پشاور بھر میں کریک ڈاؤن شروع کیا، پابندی کے باوجود بلا ضرورت گھروں باہر گھومنے پر 114 شہری گرفتارکرلئے گئے ہیں

بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ

کرونا وائرس،بھارت میں اتنے مریض ہو جائیں گے کہ لاشیں بلڈوزر سے گڑھے میں ڈالنا پڑیں گی

چین میں‌ کرونا وائرس کا پہلا مریض اب کس حال میں ہے ؟

کرونا کے وار جاری، 288 پولیس اہلکاروں میں ہوئی کرونا کی تشخیص

سعودی عرب میں کرونا کے مریضوں میں مسلسل اضافہ، شاہ سلمان نے دیا عالمی ادارہ صحت کو فنڈ

قبل ازیں مشیر اطلاعات خیبرپختونخوا اجمل خان وزیرنے پشاور کے ہشتنگری بازار، رامپورہ مارکیٹ اور فردوس بازار کا دورہ اور کورونا کے حوالے سے صوبائی حکومت کے اقدامات سے متعلق میڈیا سے گفتگو کی.انکا کہنا تھا کہ کرونا سے بچاؤ کے لئے شہری احتیاط کریں، لاک ڈاؤن کی وجہ سے صوبائی حکومت نے شہریوں کو بہترین پیکج دیا ہے.