مریم نواز کا کرتارپور راہداری کا دورہ، بیساکھی کی تقریبات کا بھی آغاز کیا
![darbar sahib](https://baaghitv.com/wp-content/uploads/2024/04/maryam13.png)
ننکانہ صاحب: وزیراعلیٰ پنجاب مریم نواز نے کرتارپور راہداری زیرو لائن اور گردوارہ دربار صاحب میں بیساکھی کی تقریبات کا بھی آغاز کیا۔
باغی ٹی وی : تفصیلات کے مطابق وزیراعلیٰ پنجاب مریم نواز کا کرتارپور راہداری زیرو لائن اور گردوارہ دربار صاحب کا دورہ کیا ہے جہاں انہوں نے سنہری درانتی سے گندم کاٹ کر بیساکھی کی تقریب کا باضابطہ آغاز کیا ہے اس موقع پر درشن ڈیوڑھی پہنچنے پر سکھ زائرین نے وزیر اعلی پنجاب کا پرتپاک استقبال کیا، مریم نواز نے تقریبات میں شرکت کیلئے آنے والے زائرین کے علاوہ امرتسر سے آئی بزرگ خاتون سے ملاقات کی۔
وزیر اعلیٰ نے دربار صاحب میں مقدس تالاب، سمادھی، مقدس کنویں اور سکھ آرٹ گیلری کے دورے کے علاوہ لنگر ہال میں یاتریوں کے ساتھ بیٹھ کر کھانا کھایابھارت سے آئے یاتریوں کے جتھہ لیڈر نے وزیر اعلیٰ مریم نواز کا شکریہ ادا کیا اور اس یاترہ کیلئے پنجاب حکومت کے اقدامات اور انتظامات کو سراہا۔