fbpx

موبائل میں مصروف لڑکی پر سے ٹرین گزر گئی

نئی دہلی: موبائل میں مصروف لڑکی کے اوپر سے ٹرین گزر گئی لڑکی کو پتہ ہی نہیں چلا کہ کیا ہوا۔

باغی ٹی وی : آج کل لوگ موبائل پر بات کرنے میں اتنے مصروف ہو جاتے ہیں کہ اردگرد کیا ہو رہا ہے انہیں اس کی کوئی خبر نہیں ہوتی کئی بار لوگ گاڑی چلاتے ہوئے موبائل پر بات کرتے رہتے ہیں اور وہ اپنا راستہ بھول جاتے ہیں ےیا حادثات کا شکار ہوجاتے ہیں اور بہت سے لوگ موبائل پر چیٹنگ کرتے ہوئے یا ویڈیو کال پر بات کرتے ہوئے سڑک پر چلتے ہیں اور وہ یہ بھی نہیں سوچتے کہ اس لاپرواہی کی وجہ سے ان کے ساتھ کوئی بڑا حادثہ پیش آ سکتا ہے اور اکثر ایسے واقعات میں لوگ حادثات کا شکار ہو بھی جاتے ہیں-

سعودی عرب اور کویت میں آدھی رات کےقریب دن کا منظر ،ویڈیو سوشل میڈیا پر وائرل

ایسی ہی ایک لاپرواہی کی حیران کن ویڈیو سوشل میڈیا پر تیزی سے وائرل ہو رہی ہے، جس میں ایک لڑکی ریلوے ٹریک پر لیٹی ہوئی ہے اور اپنے موبائل پر بات کر رہی ہے، وہ بات کرنے میں اتنی مصروف ہے کہ ٹرین اس کے اوپر سے گزر گئی اور اسے پتہ ہی نہیں چلا کہ کیا ہوا۔


بھارتی میڈیا کے مطابق اس ویڈیو کو آئی پی ایس افسر نے اپنے ٹوئٹر پر شیئر کیا ہے ویڈیو کے ساتھ انہوں نےمزاحیہ کیپشن میں لکھا ہے کہ فون پر گپ شپ زیادہ ضروری ہے۔


ویڈیو تیزی سے وائرل ہو رہی ہے ویڈیو پر لوگ مضحکہ خیز تبصرے کر رہے ہیں ایک صارف نے لکھا کہ اسے تمغہ ملنا چاہیے مال گاڑی اوپر سے گزر گئی اور ری ایکشن ایسے جیسے روز کا کام ہو- ایک اور نے لکھا معاف کرنا باتوں میں مصروف تھی، اس وجہ سے ٹرین نظر نہیں آئی۔

جھارکھنڈ میں ریسکیو کے دوران شہری ہیلی کاپٹر سے گر کر ہلاک


ایک صارف نے لکھا کہ یہ کیا مرنے گئی تھی کال آئی اور ذہن بدل گیا


ایک صارف نے لکھا کہ غریب کے ساتھ بہت غلط ہو رہا ہے گھر میں کوئی فون پر بات نہیں کرنے دیتا جب وہ گھر سے باہر بات کرتی ہے تو لوگ ویڈیو بناتے ہیں اس قدر وائرل، ویڈیو گھر تک پہنچ جاتی ہے۔

میچ کے دوران سابق کرکٹر کا برطانیہ سے کوہ نور ہیرا واپس کرنے کا مطالبہ