ممتاز حیدر
سندھ کے صوبائی وزیر اطلاعات شرجیل میمن نے کہا ہے کہ مشکل کی اس گھڑی میں بدترین مخالفین کے بھی ساتھ کام کرنےکو تیار ہیں،جب لوگ بچیں گے تو سیاست کریں گے،عمران خان ہو یا پی ٹی آئی اس وقت تمام مخالفین کو ساتھ مل بیٹھ کر کام کرنا چاہیے،
سندھ کے صوبائی وزیر اطلاعات شرجیل میمن کا کہنا ہے کہ سیلابی تباہ کاریوں کے باعث پورا ملک متاثر ہے پنجاب، بلوچستان اور سندھ کے بعد خیبرپختونخوا میں قدرتی آفت آئی ہے،کتنے ہی سیاسی اختلافات ہو مگر سیلابی صورتحال پر تمام جماعتوں کے ساتھ کام کرنے کو تیار ہیں،بلاول بھٹو نے ملک بھر میں پیپلزپارٹی کارکنوں سے سیلاب متاثرین کی مدد کرنے کی ہدایت کی سیاست کے لیے بہت وقت ہے مگر اب پورا پاکستان پریشان ہے اس وقت سیلاب متاثرین کی نظریں تمام سیاسی جماعتوں اورمیڈیا پر ہے آئندہ دنوں میں بارش کا جو سسٹم آرہا ہے اس کی بھی اچھی اطلاعات نہیں ہر شخص اس وقت کوشش کر رہا ہے کہ سیلاب متاثرین کو ریسکیو کیا جائے،پوری دنیا سے اپیل ہے اس وقت ہمارا ساتھ دیں،سیلاب اور بارشوں سے سندھ میں 341 افراد جاں بحق ہوئے سیلاب اور بارشوں سے سندھ میں ایک ہزار 90 افرادزخمی ہوئے سیلاب اور بارشوں سے سندھ بھر میں 13 ہزار سے زائد مویشی ہلاک ہوئے سندھ بھر میں 4 لاکھ سے زائد مکانات کو جزوی، 2لاکھ 87 ہزار مکمل تباہ ہو چکے ہیں
شرجیل میمن کا مزید کہنا تھا کہ متاثرین سیلاب کوپی ڈی ایم اے کی جانب سے 89 ہزار سے زائد ٹینٹ دئیے گئے حکومت سندھ نے ٹینٹ کے لیے آڈرز دئیے ہوئے ہیں،حکومت سندھ کی جا نب سے لاکھوں راشن بیگز کا آڈر دیا گیا ہے،کوشش ہے جلد سے جلد متاثرین کو ریلیف فراہم کریں حیدرآباد کے 80 فیصد علاقے کلیئر ہیں، تعلقہ دیہی میں اس وقت پوزیشن خراب ہے،
وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات
سیلاب سے اموات،نقصانات ہی نقصانات،مگر سیاستدان آپس کی لڑائیوں میں مصروف، مبشر لقمان پھٹ پڑے
لک بھر میں بارشوں اور سیلاب سے900 سے زائد افراد جاں بحق ہوئے
بالاکوٹ، آٹھ افراد سیلاب میں بہہ گئے،سوات میں عمارت گرنے کا خوفناک منظر، ویڈیو
