ملا عبدالغنی برادر کابل پہنچ گئے، ملا عبدالسلام ضعیف نے بھی کیا بڑا اعلان

ملا عبدالغنی برادر کابل پہنچ گئے، ملا عبدالسلام ضعیف نے بھی کیا بڑا اعلان
باغی ٹی وی کی رپورٹ کے مطابق کابل میں طالبان کا کنٹرول ہونے کے بعد قطر سے طالبان رہنماوں کی افغانستان آمد کا سلسلہ جاری ہے

امارت اسلامی افغانستان کے سیاسی دفتر کے سربراہ محترم ملا عبدالغنی برادر قندھار پہنچے تھے جہاں سے وہ آج کابل پہنچے ہیں، طالبان کے اہم رہنما ملا خیر اللہ خواہ بھی انکے ہمراہ تھے ،کابل پہنچنے پر طالبان نے اپنے رہنماؤں کا بھر پور استقبال کیا

دوسری جانب خلیل الرحمٰن حقانی ، جو طالبان کے ایک اہم رکن اور حقانی نیٹ ورک کے رہنما ہیں ، نے حزب اسلامی کے رہنما انجینئر گلبدین حکمت یار سے ملاقات کی ہے جس میں اگلی حکومت کی تشکیل ، ملک کی موجودہ صورتحال اور دیگر سیاسی امور پر تبادلہ خیال کیا گیا۔قطر دفتر کے رکن اور خلیل الرحمان حقانی کے بھائی انس حقانی نے بھی گزشتہ روز حزب اسلامی کے رہنما سے ملاقات کی تھی

قبل ازیں پاکستان میں طالبان کے سابق سفیر ملا عبدالسلام ضعیف کا کہنا تھا کہ افغان نیشنل آرمی کو دوبارہ منظم کیا جا رہا ہے اور واپس بلایا جا رہا ہے۔ طالبان نے جنگ بند کر دی ہے اور وہ افغانستان کی تعمیر نو اور غریبوں کو اکٹھا کرنے کی کوشش کر رہے ہیں۔ طالبان افغان فوج کو واپس بلائیں گے اور باقاعدہ فوج بنائیں گے۔ اس سے قبل طالبان کے ترجمان ذبیح اللہ مجاہد نے بھی منگل کو ایک نیوز کانفرنس میں کہا تھا کہ سرکاری عہدیداروں کو کام پر واپس آنا چاہیے ،

واضح رہے کہ کابل پر طالبان کا مکمل کنٹرول ہے، طالبان ترجمان ذبیح اللہ مجاہد نے پریس کانفرنس میں عالمی دنیا اور افغان قوم کو اہم پیغام دیے، کابل میں حالات زندگی معمول پر ہیں، تعلیمی ادارے، بازار کھلے ہیں، خواتین بھی دفاتر میں کام کر رہی ہیں، طالبان میں اس بار بدلاؤ آیا ہے اور خواتین کو بھی کام کرنے کی اجازت دی گئی ہے، طالبان کی جانب سے کسی قسم کی کوئی رکاوٹ نہیں ڈالی جا رہی،کابل سے نمائندہ باغی ٹی وی کی رپورٹ کے مطابق طالبان نے شہریوں سے گزشتہ روز اسلحہ جمع کیا اور کہا کہ اب حفاظت ہماری ذمہ داری ہے، طالبان نے ریڈیو ،ٹی وی کے دفاتر سمیت مختلف مقامات کا بھی دورہ کیا اور ملازمین سے بات چیت کی،

افغان طالبان کی جانب سے شہریوں کو مسلسل پیغامات دیئے جا رہے ہیں کہ وہ اپنے کام معمول کے مطابق جاری رکھیں، دوسری جانب افغان شہریوں کی جانب سے بھی طالبان کا خیر مقدم کیا جا رہا ہے، افغان شہری طالبان کے ہوتے ہوئے اپنے آپ کو محفوظ تصور کر رہے ہیں

طالبان کی حمایت میں بولنے پر بھارت میں دو مقدمے درج

حامد کرزئی،عبداللہ عبداللہ سے طالبان رہنماؤں کی ملاقات، بڑی یقین دہانی کروا دی

طالبان رہنما متحرک، حامد کرزئی کے بعد گلبدین حکمت یار سے ملاقات

امریکا اور اس کے حواریوں کی طرح بھارت بھی کشمیر سے بھاگے گا، سید علی گیلانی

افغان طالبان کا خواتین سمیت سب شہریوں کو اپنی ملازمتوں پر جانے کی ہدایت

ترکی طالبان کے ساتھ تعاون کے لیے تیار

امریکی سیکریٹری خارجہ کا سعودی وزیر خارجہ سے رابطہ

انتظار کی گھڑیاں ختم، طالبان کا اسلامی حکومت تشکیل دینے کا اعلان

طالبان اب واقعی بدل گئے، کابل کے شہریوں کی رائے

افغانستان میں کیسی حکومت ہونی چاہئے؟ شاہ محمود قریشی کی تجویز سامنے آ گئی

کابل ایئر پورٹ پر ہنگامی صورتحال، طالبان کے کنٹرول کے بعد پہلا نماز جمعہ

افغانستان سے غیر ملکی صحافیوں کا انخلا ،وزیراعظم کی زیر صدارت خصوصی اجلاس

ملا عبدالغنی برادر نے کابل کی فتح پر مبارکبادی پیغام جاری کر تے ہو ئے کہا ہے کہ ‏افغانستان کی پوری مسلم ملت باالخصوص کابل کے شہریوں کو فتح پر مبارکباد پیش کرتے ہیں اللہ کی مدد و نصرت سے یہ کامیابی حاصل ہوئی ہے اللہ کا ہر وقت عاجزی کے ساتھ شکر ادا کرتے ہیں۔ کسی غرور اور تکبر میں مبتلا نہیں ہیں ملا عبدالغنی برادر نے کابل کی فتح پر مبارکبادی پیغام جاری کرتے ہوئے کہنا تھا کہ ‏طالبان کا اصل امتحان اور آزمائش اب شروع ہوئی ہے کہ وہ کیسے افغان عوام کی خدمت کرتے ہیں اور دنیا کے لیے ایک ایسی مثال بنتے ہیں، جس کی باقی دنیا پیروی کرے

افغان طالبان نے حکومت سازی کے حوالہ سے اہم اعلان کر دیا