ڈسٹرکٹ اینڈ سیشن عدالت میں دفعہ 144 کی خلاف ورزی کے کیس کی سماعت ہوئی
پی ٹی آئی رہنما مراد سعید کی درخواست ضمانت عدم پیروی پر خارج کر دی گئی، چئیرمین پی ٹی آئی عمران خان کی حاضری سے استثنیٰ کی درخواست پر فیصلہ محفوظ کر لیا گیا،کیس کی سماعت ایڈیشنل سیشن جج ظفر اقبال نے کی ، تحریک انصاف کے رہنماؤں اسد قیصر، اسد عمر،شہریار آفریدی،فیاض الحسن چوہان، سیف اللہ نیازی ، صداقت علی عباسی، فیصل جاوید،علی نواز اعوان،شہزاد وسیم کی درخواست ضمانت منظور کر لی گئی
قبل ازیں شہریار آفریدی ایڈیشنل سیشن جج ظفر اقبال کی عدالت میں پیش ہوئے، عدالت نے ریمارکس دیتے ہوئے کہا کہ شہریار آفریدی آپ بہت لیٹ آئے ہیں،شہر یار آفریدی نے کہا کہ میں کوہاٹ سے آرہا تھا اس لیے تاخیر ہو گئی معافی چاہتا ہو، وکیل انتظار پنجوتھا نے عدالت میں کہا کہ کیا اس کیس میں درخواست ضمانتوں پر فیصلہ محفوظ ہوا ہے،جج نے ریمارکس دیتے ہوئے کہا کہ ابھی تک ملزمان کی حاضریاں پوری کر رہے ہیں،جج نے وکیل انتظار پنجوتھا سے استفسار کیا کہ اس کیس میں آپ کونسل ہیں، جس پر وکیل نے کہا کہ جی میں شیخ رشید احمد و دیگر کا وکیل ہوں،
جج نے وکیل فیصر جدون سے استفسار کیا کہ کیا آپ مزید بحث کرینگے یا کچھ کہنا چاہتے ہیں، وکیل نے کہا کہ صبح بابر اعوان صاحب بحث کر چکے ہیں ہم مزید نہیں کرینگے،وکیل بابر اعوان نے کہا کہ عمران خان لاہور میں ہونیکی وجہ سے پیش نہیں ہو سکتے
واضح رہے کہ وفاقی دارالحکومت اسلام آباد میں عمران خان کے خلاف دفعہ 144 کی خلاف ورزی کا مقدمہ درج کیا گیا تھا، سابق وزیراعظم عمران خان و دیگر کے خلاف تھانہ آبپارہ میں دفعہ 144 کی خلاف ورزی پر مقدمہ درج کیا گیا ہے تھانہ آبپارہ میں دفعہ 144 کی خلاف ورزی پر مقدمے میں مرادسعید، فوادچوہدری، فیصل جاوید، شیخ رشید، اسد عمر، راجہ خرم نواز، علی نواز اعوان کو بھی نامزد کیا گیا ہے۔ہ وفاقی دارالحکومت اسلام آباد انتظامیہ کی جانب سے دفعہ 144 کے نفاذ کے باوجود تحریک انصاف نے ایف 9 پارک میں شہبازگل کے ریمانڈ کے خلاف ریلی نکالی جس سے عمران خان و دیگر نے خطاب کیا تھا
اس سے قبل سابق وزیراعظم چیئرمین تحریک انصاف عمران خان کے خلاف انسداد دہشت گردی ایکٹ کےتحت مقدمہ درج کیا گیا تھا۔ مقدمہ تھانہ مارگلہ میں مجسٹریٹ علی جاوید کی مدعیت میں درج ہوا
فردوس عاشق نے اپنے حلقہ انتخاب میں کیا کارنامہ سرانجام دیا، تہلکہ خیز انکشاف
مشیر نہیں بلکہ جہنم میں تھی، فردوس عاشق اعوان کی ایک بار پھر گندی گالیاں
@MumtaazAwan
قادر مندوخیل نے فردوس عاشق اعوان کے خلاف مقدمے کیلئے درخواست دے دی
قادر مندوخیل نے فردوس عاشق اعوان کے خلاف اہم قدم اٹھا لیا
فردوس عاشق اعوان کا ایم این اے قادر مندوخیل کو تھپڑ مارنے کا معاملہ
فردوس عاشق اعوان معافی مانگیں، 58 ارب ہرجانہ دیں، نوٹس
